Zothan Autoworks 2nd Inter District Tennis Championship chu Aizawl Tennis Club Court-ah tluang takin neih zawh a ni a, Aizawl District Tennis Association (ADTA) an thiam ber.
Champion lai Aizawl DTA hian final-ah Champhai DTA an hneh a, champion trophy an humhim.
Final-a 1st match hi single-a khelh a ni a, Innocent (Aizawl DTA) leh Hmachhuana (Champhai DTA)-te'n final-a match hmasa ber hi an khel.
FINAL MATCH REPORT:
FIRST MATCH
Hmachhuana (Champhai DTA) bt Innocent (Aizawl DTA) 6-3, 6-3
1st Set
Toss-ah Innocent chakin service a thlang a, a ti fuh vaklo niin alang. Hmachhuana'n break nghalin 1-0 in hma a hruai nghal a, a serve chhunzawm nghal. Hmachhuana bawkin game la lehin 2-0 in hma a hrua.
Innocent-a'n as erve veleh a, insiam that tumin a fimkhur tawh hle tih lantir nan Game a hloh duh bik tawh lo. A Serve humhimin game ala a, 1-2 a ni. Hmachhuana'n a serve velehin a game a dik tawlh tawlh a, a fimkhur thiam bawk nen a serve a humhim leh a 3-1, a ni.
Innocent-a'n serve lehin break thiang a ni tawhlo tih hre chungin a fimkhur hle tawh a, a serve chu hum lehin 2-4 a ni. Hmachhuana'n a serve ve leh a, a serve kawh lutuk bawk nen Innocent lo khelh that vaklo ni nen a khel fu hlei thei lo a, Hmachhuana bawkin game la lehin 4-2 a ni.
Innocent-a'n serve lehin Hmachhuana aorehand leh backhand engkim atha em em vek a, a game a tha a, a break leh a, 5-2 a ni ta. Innocent-a'n a dang zo lo ani ber e. Hmachhuana'n serve lehin alo inthlahdul deuh nge ni tur Innocent hian break ve in 5-3 a ni.
Innocent-a'n serve ve lehin Hmachhuana'n a break ve leh a 6-3 in First set chu Hmachhuana'n a la.
2nd Set
Set - na khelh tan leh a ni a,Hmachhuana'n serve hmasa in Game hloh a duh lo a, a serve pawh ahum zui nghal. Innocent-a'n serve ve lehin Hmachhuana game khelh fuh nen an in nan ni a ni a, a khel tha bawk nen Game-ah a ngam bawk a, a break lehnghal a.
Hmachhuana'n serve chhunzawm lehin Game a lost duh lo a, game ala zui leh nghal mai. Innocent-a'n fight zelin a serve chu lak tumin a bei a, Hmachhuana khelthat ni ni mahse a humhim thei a 1-3 a ni.
Hmachhuana'n serve lehin ala leh a 4-1 a ni a, Innocent-a serve a break chhunzawm lehnghalin 5-1 a ni ta der mai. Hmachhuana hian chak turin Game khat chiah lak a mamawh tawh.
Hmachhuana'n serve lehin Innocent-a'n pawhthlak tumin theihtawp a chhuah zui zel a, Break velehin 5-2 a ni. Innocent-a'n a serve humhim zuiin 5-3 a ni chho zel. Hmachhuana'n Serve ve lehin Break thiang ani tawh lo tih hria in a hum zui a 6-3 in 2nd set ala a, a chak.
Game pumpui thlirin Hmachhuana a chungnung zawk a, Innocent-a khel thatloh ni ani bawk nen, Hmachhuana a chugnung tluan.
SECOND MATCH (Doubles match)
Aizawl DTA bt Champhai DTA 6-3, 6-0
Aizawl DTA tan Rinawma leh Mizo Tennis-a Professional player ni hmasa ber Basil-a te inlan in Champhai DTA tan Mizoram No.1 Enga leh Mamawia an inlan ve bawk.
1st Set
Toss-ah Champhai chakin Serve an thlang a, Enga'n a serve a, Basil & Rinawma-te an khel tha a an break nghal. Aizawl DTA tan Basil-a'n serve chhunzawm ve lehin an la zui lehnghal a 2-0 a ni.
Mamawia'n serve velehin an game an hum zui a 1-2 a ni. Rinawma a that ngaiin ala tha reng a, a serve pawh harsatna tawk lo in an humzui a 3-1 a ni. Game inlak chhawk zak zakin player tha zawk Aizawl DTA-te'n First Set chu 6-3 in an la zui.
2nd Set
Basil-a'n Serve a, an break theilo chiang kher mai. Aizawl game a tha telh telh a sawi vak tur hi a awmlo. Aizawl tana khel Basil-a'n a thiamzia Mizo mipuite hmaah a lantir chiang kher mai. Rinawma nen an inkawp hi an ti fuh chiang a ni.
2nd Set-ah zawng Champhai lam ten game la velo in 6-0 in Aizawl lam in an la leh a 6-3 6-0 in an chak zui.
THIRD MATCH (DECIDING MATCH)
First Match-ah Champhai DTA chakin Second Match-ah Aizawl DTA an chak a, hei vang hian Deciding match khelh a ngai a Mizo Tennis Family-in an hmuhchak em em Mizoram No.1 Enga leh Basil-a te inkhel chu an nghak chhuak ta!
Basil (Aizawl DTA) bt Enga (Champhai DTA) 6-1, 3-1 (retired)
1st Set
Toss-ah Basil-a chakin serve athlang a, Mizoram a tawn hriat ala neihlohna alang nghal a Enga'n a break nghal. Enga'n a serve ve lehnghal a Basil-a'n insiamremin tawnhriat nei thalo mahse a thiamna a tlem lo tih hriain a break chhunzawm ve nghal a 1-1 ani ta chiah.
Basil-a'n serve velehin a game fuh chho zel a, a vuak a kawhin a dik em em a, a forehand leh backhand a dik thlap mai bawk a, a serve pawh humzuiin 2-1 in hma a hruai.
Enga'n serve ve lehnghalin an inhnehtawk em em a, amaherawh chu amah aia vaw na zawk Basil-a kill-na chance-ah amah zawk kill zel a ni thung a, a serve hum zo lovin Basil-a'n ala a, Basil-a hian 1-3 in hma a hruai ta.
Basil-a hian serve lehnghalin a serve a lut tha si a, a na bawk si nen Enga tan tih theih a tam vak lo thin. Basil-a hi a Game zui lehnghal 4-1 in hma a hruai.
Enga'n a serve veleh a, Basil-a bawkain a break leh a 5-1 a ni ta. Basil-a'n serve ve lehin awlsam takin First Set chu 6-1 in ala.
2nd Set
Enga'n a serve ve thung a, Basil-a a khel tha bawk nen Enga a che hleithei lo. A serve hi Basil-a'n a break zui a Basil hian serve velehin a chak leh a awlsam takin 2-0 a ni nghal. Enga serve hun a thleng leh a pawhthlak ngei tumin a khel a, a serve pawh a hum zui thei.
Basil-a'n serve velehin harsatna a tawk lo va game zuiin 3-1 a ni ta. Enga'n a serve velehin an khelh laklawh laiin a mit lamah harsatna a tawk a khelzui thei a ni tawh lo. Enga hliam hi Champhai tan chuan a pawi hle a Basil-a hi 6-1, 3-1 (retired)-in a chak ta a ni.
Champhai hian chakloh duhlo in an khel a, an vanduai nawn. Aizawl lam hi champion lai an ni a an nomawi an humhim zui ta a ni.
FINAL RESULT
Aizawl DTA 2-1 Champhai DTA
* Reporter: Tlana Ralte