June ni 2, Zirtawp tlai dar 4:00 PM khan Central YMA Hall Tuikhuahtlangah Central YMA leh Mizoram Football Association (MFA) tangkawpin an buatsaih TT Royte Trophy Inter Branch YMA Football Tournament Round of 16 inhmachhawn tur te pawhna hun hman a ni a, Branch YMA aiawh Manager, Coach leh Team Captain an tel bakah CYMA leh MFA hruaitute an kal tha hle a ni.

Round of 16 hi June ni 5, Thawhtanniah khelh tan tur a ni a, inkhel vawi hnih a awm ang. Inkhel hmasa zawk chawhma dar 11:00 AM-ah Lengpui leh Ramhlun South ten an khel ang a, inkhel hnuhnung zawk chawhnu dar 01:30 PM-ah ITI Veng leh Zawlnuambawrai ten an khel thung ang.

Semifinal atangin double leg-a khelh tur a ni ang a, June ni 19, Thawhtanni chawhnu dar 01:00 PM leh 03:30 PM-ah first leg khelh tur a ni a, June ni 21, Nilaini chawhnu dar 01:00 PM leh dar 03:30 PM-ah second Leg khelh leh tur a ni dawn a ni. Final hi June ni 23, Zirtawpni chawhnu dar 03:00 PM-ah khelh tur a ruahman a ni bawk.

Round of 16 Draw na hun hi Pu PC Vanlalhruaia Senoir Vice Chairman MFA kaihhruaina hnuaiah hman a ni a, Nl Zualbawihi hnen atangin zai mawi tak ngaih thlak a ni bawk. Pu Peter Chhakchhuak Organising Serectary, chuan Branch tin YMA team te inhmelhriat tirna aneih hnuah Round of 16 lut YMA Branch zawng zawng te a lawmpui thu sawiin Champion tur a theih tawp chhuah theuh turin duhsakna a hlan. Pu R Lalramzauva Technical Serectary chuan Branch YMA team Captain te a koh chhuah hnuah Round of 16 intum tur pawh a ni.

Champion team hian  Rs. 1,00,000/- leh Trophy an dawng ang a,  pahnihna hian  Rs. 50,000/- leh Trophy an dawng thung ang. Semi Finalists te hnenah Rs. 10,000/- theuh pek an ni ang a, Quarters Finalist te hnenah  Rs. 5,000/- theuh pek an ni thung ang.  Fair Play hian Rs. 10,000/- leh Trophy an dawng ang a,  Best Player leh Top Scorer hian Rs. 2,500/- leh Trophy an dawng ve ve bawk ang.

June ni 5, Thawhtanni Round of 16 Fixtures

11:00AM Lengpui vs Ramhlun South

01:30 PM ITI Veng vs Zawlnuambawrai

(adsbygoogle = window.adsbygoogle || []).push({});