Inter Milan chuan AS Monaco atangin winger Keita Balde chu tun season atan loan-in an lakluh thu an puang.

Inter Milan hian an duh chuan nakkumah Keita hi pound maktaduai 30-in an la thei dawn niin Sky Sports chuan a tarlang bawk.

Monaco hian an player tha an chhuah nasa hle a, Keita bakah hian Joao Mourtinho, Thomas Lemar, Fabinho leh Rachid Ghezzal-te chu an lo chhuak tawh a ni.

Senegalese international Keita hi Bacelona leh Lazio-te youth academy chhuak a ni a, kum 2013 khan Lazio senior team-a lak chhoh a ni.

Spain-a piang a ni a, Barcelona academy-ah awm mahse senior team tan vawikhat mah a inlan lo.

Nikum khan Monaco chuan Lazio atangin Keita hi pound maktaduai 28 sengin an laluta, season liamta khan kum 23 mi hian game 34 khelin goal 8 a thuna, assist 11 a nei bawk.

Kum li chhung Lazio senior team tan khelin, Keita hian game 100 chuang a khela, goal 26 a khung.

Juventus, Manchester United leh Tottenham-te pawhin he Senegalese international hi an beisei viau laiin Inter Milan a pan ta zawk a ni.