India rama vawi khat nan Taekwondo Fight League(TFL) chu tan turin Organising Committee siam fel a ni ta a. October ni 22, inrinni khan Mizoram State Olympic Association Conference Hallah MATA chuan chuan club tha zual kokhawmin TFL sawizauna leh hrilhfiahna hun an hmang.

Team 8 inelna tur he Fight League ah hian Player 5 leh substitute 3 an awm ang a. World Taekwondo Federation Rules angin khelh a ni ang a. Tuna malbeih inelna ang nilovin Round 3 chhungin player 5 ten te atangin inthlak kual zung zung leh fight rang tak kan hmu thei dawn a ni. Match tin hmuhnawm tak tura duan a ni. Team riat(8) te tana player lilam tur mi 16 pawh chhawpchhuah a ni a.TFL team 8 ten an inchuh ang . Tin, Player lilam loh ranking player 48 te pawh base price siamin chhawp chhuah a ni bawk. Heng baka player te chu free transfer in club te an zawm thei dawn a ni.

TFL hi November ni 15 atanga tanin December ni 6 thleng khelh ani ang a, Thawhleh zan leh Zirtawp zanah te khelh thin a ni ang. Fight League khuhhawnna Meeting hi MATA President Dr.Rualkhuma Colney in a kaihruai a, MATA General Secretary leh Organising Secretary Pu Joseph Thansanga leh TFL Consultant Pu B.Vanlalhruaia ten League kalpui dan tur a sawifiahna an nei. TFL team tel turte chu October ni 28, 2016 hian puan ni ang. Top ranking player lilam(Auction) turte chu:

1. C.Vanlalhuma, Aizawl Venglai 2. PC VL Remtluanga, Dawrpui 3. Zohmingthanga, Bilkhawthlir 4. PB Lalhuapzauva, Ramhlun North 5. Lalthlamuanpuia, Venghlui 6. Johny Vanlalruatsanga, Thinghlun/Ramhlun North 7. Lalramdinthara, Thenzawl 8. Vanlalmawipuia, College Veng 9. Lalinpuia, Armed Veng S 10. Alan Lalruatfela, Thinghlun 11. Arjun Pandey, Armed Veng S 12. Medalsanga, Electric Veng 13. Zorampannuama, Electric Veng 14. PMS Dawngliana, Kawrtethawveng 15. Laltlanmawia, Armed Veng S 16. Lalramdinpuia, Chawnpui

Issued by TFL Media committee