Independence Day Mipa Football Tournament chu July ni 29, Zirtawpni AR Lammualah khelh chhunzawm a ni a, inkhel vawihnih awmin Shilong Lajong leh Aizawl FC chuan an khingpui ve ve hnehin point 3 hlu tak an hlawh chhuak. July ni 30, Inriniah khelh chhunzawm leh a ni ang a, inkhel vawihnih a awm ang.
12:00 PM Shilong Lajong 2-1 Bethlehem Vengthlang FC
(Bipin Singh 24', Milan Basumazary 59') (Lalrinsanga 86')
Vawiin inkhel hmasa zawk Shilong Lajong chuan 2-1 in an khingpui Bethlehem Vengthlang FC an hneh. Shilong Lajong tan Bipin Singh leh Milan Basumazary chuan goal khat ve ve khungin, Bethlehem Vengthlang FC tan Lalrinsanga chuan goal khat akhung ve bawk.
02:45 PM AIFF Under 19, 0-2 Aizawl FC
(Bright Middleton Mends 38', Riky Lallawmawma 45+1')
Inkhel hnuhnung zawk hi dar 2:45 PM-ah tan a ni a; Aizawl FC chuan sihnih faiin an khingpui AIFF Under 19 an hneh ve bawk. Aizawl FC tan Bright Middletin Mends leh Riky Lallawmawma chuan goal khat ve ve an khung.
July ni 30, Inrini Fixtures:-
12:00 PM Dinthar FC vs Zo United FC
02:45 PM Chanmari FC vs Chhibga Veng FC