Mizo nula Lalhlunmawii (Hluntei) khelhna India hmeichhe team chu Hockey World League Round 2-ah an champion a, final-ah hian hun pangngaiah 1-1 a anin hneh tawk hnuah penalty shoot out-in chak zawk zawn a ni a, India chuan 3-1 a Chile hnehin an champion ta a ni.  Hockey World League semifinal khel turin an qualify nghal bawk.

West Vancauver, Canada-ah final hi khelh a ni. Inkhel tan a tang a minute 5 lekah Maria Maldonado chuan Chile tan an hmahruaina goal a hlap lut a, India tan minute 41-ah Anupa Barla chuab penalty corner an hmuh atangin an siphurh a rul thung. Goal dang a awm belh ta lo a ni.

Penalty shootout-in chak zawk zawn a ni a, India nulaten an thai tha hle. Kim Jacob leh Josefa Villalabeitia-ten thun ve vein Deepika chuan a thun ve leh bawk a, hemi hma hian India goalkeeper Savita chuan Chile lam thai a dansak nghe nghe a ni.

Hockey World League semifinal khel turin an qualify nghal bawk. Womens Hockey World League Semi-final hi Belgium khawpui Brussels-ah June ni 21 - July ni 2, 2017 chhungin neih a ni dawn a, Kum 2018 Hockey World Cup khel tur zawnna a ni nghal ang.

July 7th–21st, 2018 chhungin England khawpui London chuan Hockey World Cup a thleng dawn a, India a qualify chuan Mizo nulate khel ve ngei tura beisei niin a vawi khat nan World Cup-ah Mizo infiammi kan hmu mai thei a ni.

(adsbygoogle = window.adsbygoogle || []).push({});