Mizoram Super League (MSL) Season 2 chu Hawla Indoor Stadium Republic Vengthlangah march ni 17, NIngani zan dar 8:00 PM khan khelh chhunzawm leh a ni a, inkhel vawi khat awmin, Mission Veng Vikings chuan Chaltlang Ryders hnehin, league stage-ah hma an hruai chhunzawm zel. March ni 18, Zirtawpah chhunzawm leh a ni ang a, tlai dar 4:00 PM-ah Zarkawt BCA leh Zarkawt Serpents ten semifinal hmun ruak pakhat awm an in chuh ang. Zan dar 8:00 PM-ah Tuikual South leh Khatla TBl ten an khel leh ang a, an result a zirin, semifinal an tumpui tur a ching tawh ang.
MSL 2-ah hian team tin te, vawikhat theuh an in khelh hnuah a sang pali ten semifinal an khel ang a, point hmu sangber leh pali na an in hmachhawn ang a, pa hnih na leh pathum na an in hma chhawn thung ang. A mawngphah pahnih hian relegation play off an khel thung dawn a ni. Mission Veng Vikings, Khatla TBL, Tuikual South te hian semifinal an lut tawh a, hmunruak pakhat awm chu march ni 18, Zirtawp tlar dar 4:00 PM-ah BCA leh Serpents inkhel a chak zawk hian an lut ang a, chak lo zawk leh Chaltlang Ryders hian relegation play off an khel ang.
Zanin inkhelah Vikings point guard Lalrina'n inkhel bul a tan lo. Chaltlang Ryders hian bul tan tha zawkin, Ryders point guard H Thangliana a thawh hlawk hle point 11 zet score in, Vishal Kumar Gupta leh Samuel-a an tangkai hle bawk . Ryders hian 24-18 in first quarter-ah hma an hruai a, second quarter-ah Lalrina lutin, Vikings game-ah danglamna rawn thlen nghal, 3 points vawi khat neiin, point 17 zet a score a, second quarter-ah 42-39 in Vikings hma a hruai pui nghal.
Third quarter-ah pawh vikings hian hma hruai zelin, point forward Moses-a'n 3 points vawikhat neiin, point guard Lalrinkima'n point 14 zet a hlawh chhuak a, Ryders tan Vishal Kumar Gupta hian point 7 score mahse, a team ten an thlawp tha tawk lo, third quarter a zawh meuh chuan Vikings hian 64-53 in hma an hruai tawh. Fourth quarter-ah Ryders tan point guard Lalremtluanga'n point 6 score in, Rachit hian 3 points vawi khat neiin, point 7 zet score nei bawk mahse, Vikings chakna hnar leh innghahna Lalrina an dang zo lo, point 8 lai score in, 3 points vawi hnih a nei a, hun a tawp meuh chuan 83-79 in Vikings an chak ta a ni.
March ni 18, Zirtawp Fixturs :
04:00 PM Zarkawt BCA vs Zarkawt Serpents
08:00 PM Tuikual South vs Khatla TBL
(adsbygoogle = window.adsbygoogle || []).push({});