West Ham United chuan theihtawpin France forward Dimitri Payet chelh an tum zui zel a, a vawihnih nan Payet lei tumtu Marseille dawrna an hnawl.

Ligue 1 club hian an dawrna hmasa (£19m) aiin an ngamna zat an tipung hret a, £20m thehchhuak phal mahse Hammers chairman David Sullivan rilru an la hmin zo lo.

Sullivan hian Payet hi hralh vut vut a duh lo tih BBC-in an tarlang a, London club hian sum mamawhna an nei rih lo bawk.

West Ham manager Slaven Bilic chuan Payet hian an club tan khelh a duh tawh lo tih a sawi a, kum 29 mi hian first team bulah training a nei tawh lo bawk a Under-23 zingah a training.

Marseille president Jacques-Henri Eyraud chuan an player hlui hi an lak kir theihnan West Ham hotute London-ah a hmu tawh tih Sky Sports-in an tarlang a, Payer hian Marseille tan season hnih alo khel tawh a kum 2015 khan Hammers hi a zawm.

* Pic: AFP