Mizoram Football Association Office Bearer's Meeting chu July 3, 2017-ah neih a ni a, MFA chuan Futsal Committee rawtna angin tun season chhungin Futsal League changtlung tak siam a tum a, hemi atan hian budget pawh a dah hrang nghal a ni.

Hei bakah hian Futsal hi club affiliation leh player registration-te mumal taka kalpuiin a lian thei ang bera kal zel a tum a, Futsal Committee lamin kal zel dan tur a rel zui ang.

Women's Football leh Youth Development atan a hranpain budget a dah bawk a, heng sumte hmang hian tun season chhungin hmeichhe football league bakah kum naupang zawkte tana league siam a tum a.

Hei hi Women's Committee leh Youth Development Committee lamin an buaipui zui dawn a. FIFA Development Project kalpui mekah pawh hei hi Mizorama kalpui turin an rawn dah tawh a ni.