Tyson Fury leh Wladimir Klitschko rematch hun tur chu sawn a ni leh dawn ta. Fury leh Klitschko hi nikum november ni 28 khan an inhnek a Fury hian hnehna a chang a nih kha. He mi hnu hian rematch hun tur ngaihtuah leh nghal a ni a, Kumin June thla khan rematch tura tih an ni a mahse Fury hi a inhliam avangin rematch hun hi sawn a ni leh a. Thla thar ni 29 a inhnek tur an ni a, heipawh hi sawn a ni leh dawn ta a ni.

Fury hian June 2016 a rematch turah khan a ke rek hliam vangin a inhnek theih loh thu a puang a. Thla thar a an rematch tur pawh hi training-naa a ke hliam vanga a inhnek theih loh tur thu a puang leh ta a ni. Fury management team Hennessy Sports chuan Fury inhliam thu hi nizan press conference-ah an puang a ni.

"October ni 29 2016 a Manchester Arena a Tyson Fury and Wladimir Klitschko-te world heavyweight championship rematch chu a thleng dawn lo tih hreh tak chunga kan puan a ngai a ni" tiin Hennessy Sports chuan a sawi.

"Tunkar khan Tyson hi fight hmachhawn turin a fit tawk lo tih hmuhchhuah a ni a. Medical specialist te chuan a dinhmun hi fight hmachhawn tur chuan a hlauhthawnawm mah mah a chu vang chuan a inhnek leh hma hian treatment a lak a ngai a ni. Tyson hi tunah dam chiang thlap turin treatment a la mek a ni."

"Tyson leh keini hian he thil kaihhnawih zawng zawng leh boxing fans Fury leh Klitschko inhnek hmuchak em emtute chungah ngaihdam kan dil tak meuh meuh e. A chinchang kan rawn tarlang zel ang. Chu mi hma chu Tyson leh a chhungte hi inenkawlna leh a hun harsate paltlang turin hun thawl kan pek a ngai a ni" tiin Hennessy Sports chuan a sawi bawk.

WBA president Gilberto Mendoza chuan Fury inhnuhdawh chhan hi an enfiah tur thu a sawi. Mendoza chuan, "A chanchin ka hria a, Fury te hnen atang erawh official takin engmah ka dawng lo thung. Enge nge thleng kan ang a. Enge thil chiah nge thleng tih htr turin Tyson Fury hi kan zawtfiah ang." tiin a sawi a ni.

(adsbygoogle = window.adsbygoogle || []).push({});