Inter District Junior Football Championships vawi 11-na semifinal chu Febuary ni 8, Nilaini khan Siaha District Playground, Gaihti-ah khelh a ni a, inkhelh vawihnih awmin Siaha DFA leh Kolasib DFA te chuan an khingpui ve ve hnehnin final an lut ta a ni. Final hi Febuary ni 10, Zirtawpah khelh tur a ni ang.
Final luh inchuh inkhel hmasa zawkah Inelna thlengtu Siaha DFA chuan NG Laldinpuia goal khat hmangin Mamit DFA an hneh a, final an lut ta a ni. An chakna goal hi second half tan atanga minute 59-a lut a ni a, NG Laldinpuia hian goal nga akhung tawh a ni.
Inkhel hnuhnungah Kolasib DFA leh Aizawl DFA te hunpangngaiah 2-2 a anin hneh tawk hnuah penalty shootout-a chak zawk zawn a ni a, Kolasib DFA chuan 3-2 a hnehna changin final an lut ve ta a ni. Kolasib DFA tan Lalhmunhluna leh Zomuanpuia chuan goal an khung a, Aizawl DFA tan Zomuanpuia leh Ricky Lalruatfela chuan goal an khung ve bawk.
Semifinal Results:-
11:30 AM Siaha DFA 1-0 Mamit DFA
(NG Laldinpuia 59')
01:30 PM Kolasib DFA 2-2 Aizawl DFA
(Lalhmunhluna 16', Zomuanpuia OG 21') (Zomuanpuia 29', Ricky Lalruatfela 47')
Penalty shootout-ah Kolasib 3-2 in an chak