ADFA II Div. & III Div. Season Opening Tournament : RG Stadium, Mualpuia khelh zawh tak II Division-ah FC Bethlehem an champion a, 3rd division-ah AFC Academy Jr. an champion ve bawk.
Vawiin chawhnu dar 2:30 khan II Division final khelh a ni a, FC Bethlehem chuan 5-3 a Durtlang FC hnehin an champion a. Hemi hma chhun dar 12:00-ah 3rd Division final khelh a ni a, AFC Academy Jr. chuan 2-1 a FC Zotlang hnehin an champion ve bawk.
II Div Final hmuhnawm takah Durtlang FC goal an thun hmasa a, hei hi FC Bethlehem defender RL Benjamin-an an lama a petluh palh a ni a, minute 23-ah V.Lalruatsanga chuan Bethlehem tan sutin half time hma hretin a goal hnihna a thun leh a, Ramdintluanga, Adolf Lalrochana leh Remruatsanga ten goal khat \heuh an khung. Durtlang FC tan C.Lianzela leh Kevin Malsawmtluanga ten goal an khung ve bawk a ni.
Top scorer chu goal 6 khungtu FC Bethlehem striker Ramdintluanga a ni a, V.Lalruatsanga FC Bethlehem chu best player-ah thlan a ni bawk a, Youngstar United FC,ITI chuan fair play trophy an dawng ve bawk.
III Division final-ah AFC Academy Jr. tan Lalremtluanga chuan minute 73 leh 88-ah goal a khung a, FC Zotlang goal awmchhun Zodinpuia chuan a khung. Best Player-ah Lalhmangaihsanga, Aizawl FC Academy thlan a ni a, goal 6 khungtu PC Lianhmingthanga chu top scorer a ni a, Mission Veng FC chuan Fair Play an dawng ve bawk a ni.
Final-ah hian Pu C.Laltlanthanga, Secretary, Mizoram State Sport Council chuan khual lian a ni a, football chu Mizote tana khelh inthlahrun awm loh tak, luhchilh tlak leh eizawnna tlak a nih tawh thu sawiin Mizoram tihmingthatu a ni a, football thiam hnam angah state dang mite chuan min ngai mek tawh a ni a ti. Khual lian hian champion leh runner up te bakah mimal lawmman hrang hrangte a sem nghal a ni.
II Div Final
FC Bethlehem 5 - 3 Durtlang FC
(V.Lalruatsanga 23'43'Ramdintluanga 40'Adolf Lalrochana 42'ZD Remruatsanga 45')(RL Benjamina 13'OG C.Lianzela 47'Kevin Malsawmtluanga 73')
III Div Final
FC Zotlang 1 - 2 AFC Academy Jr.
(Zodinpuia 76')(Lalremtluanga 73'88')