Football Association (FA) chuan an player-te leh official ho thunun zawhloh vangin Chelsea leh Tottenham lakah thubuai an siam.
Chelsea leh Tottenham hi Thawhtanni zan khan Stamford Bridge-ah an inkhel a, 2-2 a in draw-in buaina tenau deuh first half-ah a thleng.
He inkhelah hian Spurs midfielder Mousa Dembele chuan Chelsea striker Diego Costa hmaiah a ham a, kutthlak thubuai vangin Belgian midfielder hi a hranpa in thubuai siamsak a ni.
FA hian Dembele chetdan hi an ngai thutak hle tih an tarlang a, hrem anih chuan game thum chhung inkhel thei lo turin a ni ang.
Inkhel enkawltu Mark Clattenburg-a'n Dembele hi hrem lo mahse TV lama an ennawn hnuin a chetdan hi chiang takin a hmuh theih a, an hrem ngei a rinawm.
Kum 28 mi Dembele hi Ningani tlai lam thleng insawifiahna hun pek a ni a, Chelsea leh Tottenham hi karleh Thawhtanni thleng insawifiahna hun pek an ni thung.
Thawhtanni zana inkhel ah hian player 12 zetin card an hmu a, he'ng zinga pakua hi Spurs player hmuh a ni.
An buai lai hian Tottenham manager Mauricio Pochettino pawh khelmualah lutin an defender Danny Rose leh Chelsea midfielder Willian in bakkaih kawih then a tum a, Rose hi inkhel tawp hnua Chelsea manager Guus Hiddink namtu zingah a inrawlh bawk.