Report-in a tarlan danin Borussia Dortmund defender Sokratis Papastathopoulou chuan tun nipuiah Arsenal sawmna a pawm tih an tarlang.

Kum 29 mi hian 2013 khan BVB hi Werder Bremen atangin Euro maktaduai 9.5-in a zawm a nih kha.

(adsbygoogle = window.adsbygoogle || []).push({});

Greece international hi tun season-ah 'Schwarzgelben' tan hian a regular hle a, tum 43 a inlan.

A contract hian season khat a la daih a, club lam hian a thlawna chhuah tir aiin tun nipuiah hralh an duh a - Arsenal-ah a kal dawn niin report a awm.

Report-in a tarlan danah chuan Sokratis hian Unai Emery-a hnuaia khel tur hian engkim a pawm tawh a, amaherawhchu Club pahnih te hi a manah an la indawr fel lo thung.

Kicker cite-in English press-a a report dan chuan Arsenal chuan €15m-in an dawr a, mahse Dortmund lam hian €18m tal an beisei thung.

Arsenal rinrawl Laurent Koscielny chuan hliam na tak a tuar mek a; tin, Per Mertesacker a retire hnai. Arsenal hian central defender an mamawh hle a ni.