RS Traders ADBBA Division I Playoffs Semifinal thawh hnihna chu August ni 17, Ningani zan khan khelh zawh a ni a, skills nei tha team Vanguard chuan fitness tha team Mohicans BC (Durtlanga) chu 64-46 a hnehin final an luh bakah Division I-ah an kai bawk. August ni 19, Inrinni zanah dar 8: 00-ah Hawla Indoor Stadium-ah Playoff-a che tha DSZ Nursey Basketball Club nen  final an khel ang.

Semifinal thawh hnihnaah hian Vanguard hian inkhel an thu nun hneh hle a, halftime ah pawh 31-23 in hma an hruai a. An ball passing-a that avangin Mohicans hian an dan hneh loh bakah fitness nena game hmachhawn reng Durtlang tlangval te hian thianzaho intelkhawm Vanguard players te ball khawih hmuhnawm zet mai chu an chhuhsak hleithei lova, han nawr viau dawn thin mahse, Vanguard hian basket attack dan kawng an hmu deuh zel a ni ber.

Tin, Mohicans player te zingah points nei panga emaw chauh an awm rualin, fit lo zawka ngaih Vanguard players te hi an chau lutuk hman meuh lo. An players te an inthlak zung zung reng a, a lut thar apiangin basket an attack ngam zel a, points an nei nghal zel bawk a. Vanguard players te zingah hian an teammate te aia score tam bik an awm em em loh laiin 2nd half-a Mohicans come back tum chu Vanguard jersey no 29 Reuben-a'n 3-pts vawi li zet a thun a ni.

Defensive game tha a sawi kai Mohicans BC hian Vanguard ball an chhuhsak hlei thei lo a,  Mohicans zawk hian tihsaul an ngah a, Turnovers 30 ngawt an nei a. Vanguard hian rebounds an la hnem zawk bawk.  Mohicans hian rebounds 38 an lak laiin Vanguard hian rebounds 47 zet an la thung.  Team in hneh tawk takah Rebounds leh Turnovers hian a chak zawk a hril ta a ni.

 Final-ah pawh hian Skills nei tha leh  Fitness tha game anih hmel a. Nursery BC hian 3-pts shooter an tlachham bik  lova, Vanguard hian an veng seng ang em? tih leh Nursery BC defense khauh tak chuan Vanguard ball thiamna hi a dang zo ang em? tih chu tualchhung basketball tuimi te zawhna a ni.

(adsbygoogle = window.adsbygoogle || []).push({});