Davis Cup World Group tie khelh mekah Germany chuan Australia hnehin quarter-final an lut.

Germany tan hian Alexander Zverev chuan 6-2, 7-6, 6-2 in Nick Kyrgios a hneh a, hei vang hian quarter-final an lut a Spain leh Great Britain inkhela chak zawk an hmachhawn ang.

Inkhel dangah Italy pawhin hnehna an chang a, Fabio Fognini chuan 3-6, 6-1, 3-6, 7-6, 7-5 in Yuichi Sugita a hneh a 3-1 in Japan lakah hnehna an chang.

Champion lai France chuan 2-1 in Netherlands lakah hma an hruai ve mek a, Croatia leh Belgium-te pawhin an tumpuite lakah 2-1 bawkin hma an hruai ve mek bawk a ni.