University of California, Los Angeles (UCLA) basketball player pathum LiAngelo Ball, Cody Riley leh Jalen Hill-te chu China-ah thilrua puh an nih avangin man an ni.

UCLA hian season țanna tura an game hmasa berah Georgia Tech an hmachhawn dawn a, he inkhel hi Shanghai-a khelh tur niin Zirtawpni hian an in hmachhawn ang.

Player pathumte hi Thawhlehni khan man an ni a, an man chhan hi Louis Vuitton store-a an kal laiin thilruah an puh.

UCLA team hi Hangzhou-ah thlengin an dawr kalna hi an thlenna hotel bul lawk ami a ni a, player pathumte hian man an nih avangin Shanghai an pan ve lo va Nilaini ațang hian practice neih țan tur an ni.

Georgia Tech player pathumte pawh Police-te'n thu an zawtfiah a, man erawh an tawk ve lo thung.

Police-te hian darkar khat chuang zet zirlaite hi an titipui bakah an coach-te biak pawh an phal lo va, Georgia Tech chuan an zirlaite hi buaina awm mekah an inrawlh lo tih an tarlang.

Hetia China-a inkhelh an tih chhan hi Pac-12 Global tihlar an tumna a ni a, Alibaba-in an sponsor a player-te tawnhriat neih nana an tih a ni bawk a ni.