Rafael Nadal chuan China Open final-ah 6-2 6-1 in awlsam takin Nick Kyrgios a hneh a, China Open title lain, career title vawi 75 a lakna a ni ta bawk.

Kum 2005 hnuah a vawi khat nan Nadal hian China Open title a la leh ta a, Nick Kyrgios leh Nadal te hi final-ah an la inhmachhawn ngai lo a, tun tum hi an inhmachhawn vawi khatna a ni.

Spanish tennis star, World Number One ni mek Nadal hian kumin chhungin title 6 a la ta a, Beijing-a China Open final pawh hi minute 92 chiah an khel a, awlsam takin Nadal hian hnehna a chang a ni.

World ranking-a 19-na Kyrgios hian set khatnaah beiseiawm takin a khel a, 2-2 a nihpui hman, mahse a rei tual tual a, kum 31 mi Nadal chu a tha ta tulh tulh a, hneh rual a ni ta lo a ni.