Chhinga Veng FC chuan si thum faiin Zo United FC an hneh a, game tha tak khel thin mahse an vanduai thin a, October ni 28, 2016 tlaiah erawh an duhthusamin game an khel thei. Vanlallawma leh H Lalmuankima hmangin Zo United chu si thum faiin Chhinga Veng FC hian an hneh a ni.
Team hnihte hi MPL Season 5 Phase 1-ah khan goal awmloin an inhneh tawk a, an intawn vawi hnihnaah erawh Chhinga Veng FC an chungnung zawk. Point 3 hlu tak an hlawhchhuak a, point 8 nei tawhin table-ah 5-na an ni mek. He match-ah hian Chinga Veng FC winger H Lalmuankima chu Man of the match-ah thlan a ni.
He match an khelh hma hian Chhinga Veng FC hian coach Chawngthansanga hnuaiah match li khel tawhin chak an la neilo a, an striker MS Dawngliana chuan inkhel bul a rawn tan leh thei tawh a, hnehna a rawn changpui nghal bawk a ni.
Chhinga Veng FC 3-0 Zo United FC
(Vanlallawma 34', 79', H Lalmuankima 37', )
Chhinga Veng XI:- Lalhmaa, K Patea, Emma, Dinliana, Joy, VL Lawma, Mka, VL Thanga, Khawpuimawia, Dawngtea, Dinthangpuia.
Zo United FC XI:- Mama, Zaua, Nunpuia, M Chhangte, Hmangaiha, Isaka, Dina Varte, Remsanga, Ruata, Dinmawia, Talea.
Inkhelh tan atangin Chhinga Veng FC chuan inkhel thunun nghal mahse, goal erawh an khung mai thei lo. Chhinga Veng FC tan midfied-ah Mka a hmuhnawm a, Vanlallawma leh Mka'n pet goal na hun tha an nei nghal, mahse goal-ah an chantir thei lo.
Zo United FC pawhin nawr let thin mahse, Dina Varte, Tatea leh Isaka ten clear chance an nei thei bik lo. FIrst half tawp dawn minute 34-ah Zo United FC goalkeeper Lalmama pek sual nangchingin Vanlallawma chuan Chhinga Veng FC goal hmasa ber a khung a.
Minute 3 pawh a ral leh hmain Vanlallawma chuan mual veilam sir atangin ball tha takin a vawrh lut, box chhunga lo awm Mka chuan a ti goal a, half time a nih chuan 2-0 in Chhinga Veng FC chuan hma an hruai.
Second half-ah Chhinga Veng FC chuan inkhel an thunun chhunzawm zel a, PC-a chuan goal dang a khung teuh hle, Zo United goalkeeper Lalmama chuan a lo dang hman hlauh a.Zo United pawhin goal khungna chance tha tak an nei bawk a, mahse Chhinga Veng FC tlar hnungte an khawng tlat mai.
79 mins-ah Zo United goalkeeper Lalmama tihsualah bawk Vanlallawma chuan goal a khung leh a, sut rual a ni ta lo, hun tawp thlengin goal dang a lut tawh lo, si thum faiin Chhinga Veng FC chuan hnehna an chang ta a ni.