Mahuma Memorial Cricket Tournament, Round 3 khelh chhunzawm niin Chanmarians nena point an in sem hnuah Chhinga Veng chuan hnehna an chang ve ta a, wicket 4-a Ramhlun Venglai hnehin full point an hmu.

Toss-a chak zawk Ramhlun Venglai CC lamin vuak hmasak an thlang a, fimkhur takin bul an țan a an run rate pawh a hniam. Amaherawhchu wicket hloh lo ta na na na chuan over 10 a pelh hnuah an rawn vaw chho țan.

Opener Lalhruaitluanga (35), Joseph Lalthankhuma (26) leh Lalchhuanliana (46)-te'n RVL tan an thawk hlawk takzet a, over 37.3-ah Run 145 siamin an out vek a, Chhinga Veng Bowler-ah Lalhruaimawia Ralte chuan vawm țha berin Over 8 a vawmah Run 18 pein Wicket 3 a la.

Target sang lutuk lo umin Chhinga Veng lamin bul na rawn țan țha hle mai a, senior batsman experience nei ngah K. Vanlalruata'n a team hlui lakah Run 69 zet a rawn vawchhuak.

Batsmen dang te'n tlem tlem rawn vaw chhuak ve in a tawpah an State pawn player Saidul chuan Run 15 rawn vawchhuakin Chhinga Veng hian Over 30.4 ah wicket 6 hlohin an target hi harsa lutuk lovin an umpha a ni.

Round 3 (23.11.2017)

Zarkawt Lords vs Kulikawn CC