Alan Shearer chuan Jose Mourinho-a enkawlna hnuaia Chelsea team chu Premier League a champion phu ber an nih thu leh team 'Boring' an nih loh thu a sawi.

Game khelh tur la nei chung a Premier League champion ni thei Chelsea team hian kawng engkimah tun season hian Premier League an thunun hneh hle a ni.

BBC Match of the day pundit Alan Shearer hain Chelsea chu season tan tir atanga tun thlenga Champion tur a a rinber an nih tluan zak thu a sawi.

English striker piang tawh zing a la tha ber a mi tam takin an sawi thin Alan Shearer hian Chelsea team leh Jose Mourinho chungchang hi sawiin, " Chelsea an champion chhan chu team a an thawhrah chu a ni teh meuh mai, an champion chhan ber erawh chu huhang nei lian em em Jose Mourinho vang liau liau a ni.

"Chelsea team khelh dan hi ninawm, 'Boring boring Chelsea' an ti thin a, mahse hei hi thu lawilo mai mai a ni a, ka pawm ve lo.

"Hneh theihloh an nih vangin Chelsea hi an ning a, mahse hei hi Chelsea thiamloh ni lovin an team khelhpui te thiamloh vang a ni zawk.

"Tun season ah Premier League a champion phu ber chu Chelsea hi an ni a, team dang te hian Chelsea um tur chuan tih tur insiamthat na tur an la ngah khawp mai" tiin a sawi.

Chelsea hian ni 254 lai chu Premier League hmahruaitu an ni mek a, season a tawp meuh chuan kum 1993-94 season a Man Utd record(ni 262) khum in ni 274 lai Premier League hmahruaitu an ni dawn a ni.