Mahuma Memorial Cricket Tournament Round 2 an zawh hnu ah vawiin lamah Round 3 na khelh chhunzawm niin Chanmarians CC ten Tlangnuam CC te wicket 7 in an hneh.

Toss a chak zawk Tlangnuam lamin vuak hmasak an thlang mauh mai a, opener Jeremy an harsatakin Run 22 a vaw chhuak a mahse amah ringawt a a fight in in awmzia a nei tam lo.

Chanmarians Slow bowler Lalhmingliana'n Over 6.5 a vawm ah Run 29 pe in Wicket 4 ngawt a la a, tin, Thingsulthliah rawlthar TC Remruatpuia'n Chanmarians tan Over 8 vawmin Run 29 a pe a Wicket 2 alak ve bawk avangin Over 36.5 ah Tlangnuam te hian Run 99 siamin an duhtawk a ngai ta a ni.

Batting Lineup nei thui tak Chanmarians lamin Harsatna tawk lovin an Target hi 19.2 ah an umpha vat a Wicket 3 chiah an hloh a ni. President's Cup 2017 Best Batsmen Lalhruaizela'n out lovin Run 31 a siam.

All Rounder Reuben Lalhruaizela'n Run 21 a vuak chhuah ve bawk avangin harsatna engmah tawk lovin awlsam takin an Target hi an umpha a ni. Chanmarians te hi Chhinga Veng nen khua in a bumro avanga Point an in share hnu ah Full Point an rawn nei leh nghal zat a ni.

Round 3

22.11.2017

Chhinga Veng CC vs Ramhlun Venglai CC