MC Dowell's No 1 Soda Mizoram Premier League Season 5 Round 5 September ni 27, Thawhleh zan inkhelah Chanmari West FC chuan 2-0 in Ramhlun North FC an hneh a, He inkhelah hian goal hnih khungtu Chanmari West FC Winger Dampuia chu Man of the Match-ah thlan a ni nghal bawk.

Ramhlun North FC 0-2 Chanmari West FC

(Laldampuia 24', 82')

MoM:- Laldampuia (CWFC)

Ramhlun North FC XI:- Rinpuia, Muantea, Malsawma, Muanawma, Chhaia, Ramdina, Anggu, Jerry, Chhuanpuia, Thlamuana, Sawmtea.

Chanmari West Fac XI:- Mama, Zuia Hnamte, Awmpuia, Calvin, Toky, Muansanga, Valtea, Hluhlua, Temama, Dampuia, Lianzama.

Inkhelh tan a ni a, team pahnih te chak zawk tur hriatthiam harkhawp a an in nawr tawn hnuah Ramhlun North FC tan Chhaia leh Thlamuana chuan goal thunna chance nei mahse Chanmari West keeper Lalruatpuia (Mama) tan hna hautak an siam lem lo. Chanmari West FC chuan minute 24-ah an chance neih hmang tangkai hmasa zawkin mual dinglam sir atanga Danmawia ball cross tha zet chu box chhunga  awm Dampuia chuan an hmahruaina goal-a khung ta a ni. Ramhlun North FC chuan an siphur sut tumin nawr leh viau mahse Chanmari West FC defender Calvin, Toky, Awmpuia leh Zuia ten Chhaia leh Thlamuana tan hun tha an siam lo. Chanmari West FC chuan 1-0 a hmahruaiin chawlhlawk an hmang ta a ni.

Second half-ah Ramhlun North FC coach Lalruatliana Sailo (Tawia) chuan MC-a, leh Achhana te a luh tir an goal bawh ana sawt nghe nghe.  Chhaia leh Thlamuana freekick pet tha zet chu Chanmari West FC keeper Mama'n a dang tha hle.  Chhumzing avangin inkhel minute 10 chawlh a nih hnuah chhunzawm leh a ni a, Chanmari West FC Coach Zara'n hmang tangkaiin annawr na hle a, Danmawia goal shoot tha zet chuan goal kham aper hnuah Lianzama goal shoot tha zet chu Ramhlun North FC keeper Rinpuia'n adang hman hlauh bawk. 1-0 in Chanmari West FC anchak tawh mai dawn emaw tih hnu huntawp nan minute 8-a la awmin Dampuia bawk chuan an goal hnihna akhung leh a, 2-0 in Chanmari West FC chuan hnehna an chang ta a ni.

Chanmari West FC hian an match hnuhnung berah Zo United FC goal awmlo in draw mahse zanin inkhelah Ramhlun North FC sihnih faia hnehin point 7 an nei a, table-ah pathumna an hauh ta a ni.

September ni 30, Zirtawp tlai dar 2:30 PM-ah Ramhlun North FC hian Zo United FC an hmachhawn ang a, zan dar 7:00 PM-ah Chanmari West FC hian Chanmari FC an hmachhawn thung ang