Champion theihna khawp point an hlawhchhuah hnuah Manchester City chuan an home game hmasa berah si nga faiin Swansea an sawp a, inkhelh tan hmain Swansea player te chuan Champions' guard of honour nen mawi takin a lo lawmlut bawk.
Manchester City tan Silva, Sterling, De Bruyne, Bernardo Silva leh Jesus ten goal an khung a. Manchester City hian tun season-ah league goal 98 an khung tling tawh a, season khat chhunga goal khung hnem ber chu Chelsea niin 2009-10 season khan goal 103 an khung a, City hian he record hi khum turin game 4 khelh tur an la nei a ni.
Manchester City 5-0 Swansea City
(Silva 12', Sterling 16', De Bruyne 54', B. Silva 64', Jesus 88')
PLAYER RATINGS
Man City: Ederson, Danilo, Kompany, Laporte, Delph, Gündogan, De Bruyne, Bernardo, Silva, Sterling, Jesus. Subs: Mendy 5, Toure 6, Foden 7.
Swansea: Fabianski 5, Naughton 5, Van der Hoorn 5, Fernandez 5, Mawson 5, Olsson 5, Ki 5, King 5, Carroll 5, A Ayew 5, J Ayew 5. Subs: Bartley 5, Clucas 5, Abraham 5.
Manchester City goal hmasa ber hi team goal a ni chiang hle. Mawi taka an inpek kual hnuah Raheem Sterling chuan box veilam atangin a cross a, Silva chuan hnai set sawt atangin a pet goal. Hemi hnu lawk 16 mins-ah Fabian Delph siam chu Sterling chuan awlsam takin a pet goal bawk.
Second half 54 mins-ah De Bruyne chuan box pawn atangin kawh lutukin top corner-ah mawi takin a thlawh lut, tun season Premier League-ah De Bruyne aia box pawn atanga goal khung hnem player dang an awm lo, De Bruyne hian box pawn atangin goal 5 a khung tling tawh a ni.
64 mins-ah Federico Fernandez chuan box chhungah Sterling a titlu, Sterling hi tlu hma deuh mahse referee Craig Pawson chuan penalty a ham a. He penalty hi Jesus chuan petin Swansea goalkeeper Lukasz Fabianski chuan lo save mahse a per hi Bernardo Silva chuan a pet goal chhunzawm a.
Hun tawp dawn minute hnih a la awmin Jesus chuan goal ngana a khung ta nge nge. Toure ball vawrh tha zet chu Jesus chuan box chhunga tlanluh pahin a tauh, goalkeeper khum chiahin a goal mawi tak zet a ni. Si nga faiin Manchester City chuan hnehna an chang ta a, inkhelh zawh hian City supporter te chu mual chhungah an tlan lut a, trophy la chawi lo mahse champion party an nei ta a ni.
Swansea chu Relegation zone chung chiahah an awm a, 18-na Southampton aiin point 4 chiahin an chungnung zawk. Tun season relegate tur a la hriat loh, season tawp relegation battle a bon dawn.