October ni 31, 2016 Thawhtanni ADFA 1st Division League AR Ground inkhelah Chaltlang FC chuan 2-1 in 1st Bn MAP Academy an hneh. Chaltlang FC hian Round 9 khel tawhin point 11 an nei a, table-ah pangana an hauh chhunzawm a, 1st Bn MAP Academy hian Round 8 khel tawhin point 4 annei a, table-ah pasarihna an la hauh ve mek bawk.
01:30 PM 1st Bn MAP Academy 1-2 Chaltlang FC
(C Lalthansanga 31') (Hmangaihsangzuala 10', Lalsawmzela 37')
Chamari FC leh Dinthar FC tan pawh lo khel tawh midfielder Johny Lalfakzuala leh Chhinga Veng FC tan a lo khel ve tawh bawk; Lalsawmzela chuan Chaltlang FC tan inkhel bul an tan a, Chaltlang FC an chak pui nghal bawk.
1st Bn MAP Academy hian MPL club Chanmari FC-a lo khel tawh forward Michael Lalhruaitluanga chuan inkhel bul tan ve bawk mahse 1st Bn MAP Academy a chak pui zo lo thung.
Goal lut te hi first half-a lut vek an ni a, Chaltlang FC tan Hmangaihsangzuala leh Lalsawmzela chuan goal khat ve ve khungin, Police Academy tan C Lalthansanga chuan goal khat a khung ve bawk.
Inkhelh tan atangin Chaltlang FC chuan inkhel thunun zawkin minute 10 lekah Sawmtea Zote ball cross Police Academy keeper Rinchhana ball man pial chu box chhunga awm forward Hmangaihsangzuala chuan tauh goal-in Chaltlang FC goal hmahruai a thun a, Police Academy tan Michael-a leh John-a ten an si phurh sutna hun tha nei ve bawk mahse, Chaltlang FC keeper Sanga tan hna hautak an siam lo.
Chaltlang FC tan Sawmzela, Puia leh Hmangaihsangzuala ten goal thun belhna hun tha an hloh ve bawk. Police Academy chuan counter attack-in an nawr let ve bawk a, minute 31-ah midfielder Zakaria ball pek chu C Lalthansanga chuan Defensive third atangin an si phurh sutna goal mawi takin akhung a, minute 6 pawh aral leh hmain Chaltlang FC tan Hmangaihsangzuala thawhrah sengin Sawmzela chuan an goal hnihna leh chakna goal ni bawk a khung ta a ni.
October ni 1, 2016 Thawhlehni Fixtures:-
11:30 AM Chawnpui FC vs FC Kulikawn
01:30 PM Ramhlun FC vs Aizawl FC Academy
(adsbygoogle = window.adsbygoogle || []).push({});