Kum 32-a upa Lebron James chu NBA team Cleveland Cavaliers tana point score hnem ber a ni ta a, Pathianni kha Cavaliers hian Oklahoma Thunders an hneh a, King James hian point 25 neiin Cleveland club record siam turin a tawk.

Mi tam takin basketballer tha ber anga an sawi Cavaliers forward King James hian Cavaliers tana season 10 a khelhna a ni. Miami Heat tan pawha khel tawh James hian NBA-ah point 27,938 zet a score tawh a, NBA chanchina point score hnem ber pariatna a ni mek a ni.

Kum 2003 atanga NBA chenchilh tawh James hi M.V.P atan tum li(2009, 10, 12, 13) thlan a ni tawh a, NBA champion tum thum a ni tawh bawk. NBA point score hnem ber Kareem Abdul Jabbar hian point 38387 zet a nei a, Lebron hian Kareem pha tur chuan point 10,452 zet a la mamawh a ni.

King James hian play-offs ah bik point 5572 zet a score tawh a, point score hnem ber Michael Jordan a phak lohna hi point 415 chauh a ni tawh thung. A kum leh team khelhna enin James hian he record hi chu a khum theih ngei a rinawm.