Inrinni zan La Liga inkhelah Barcelona chuan Camp Nou-ah Real Betis an tlawh a, si khat faiin Betis hi chakin, point thum an hlawhchhuak.
Real Betis hi Juanmi-a goal khat hmangin an chak a, he inkhela goal awmchhun hi 80mins hma lawka lut a ni a, Xavi-a enkawlna hnuaiah Barcelona hi a vawi khat nan an tlawm.
Khelh 15-ah Barcelona hian point 23 hlawhchhuak tawhin, pasarihnaah an awm mek a, Real Betis hian khelh 16-ah point 30 hlawhchhuak tawhin pathumnaah an awm ve mek thung a ni.
Barcelona hian inkhel tan tir lamah chance an nei a, Jordi Alba cross chu Philippe Coutinho chuan lo flick-in si ban a pet per a, Barcelona tan chance uiawm tak a ni.
Second half tir lamah Real Betis tan Juanmi chuan goal a khung emaw ti zet mahse a offside avangin goal hi pawm a ni lo. 80mins hma chiahin Juanmi hian goal a khung ta nge nge a, Juanmi-a tan box-ah ball pek luh niin, Juanmi hian tihsual nei hauh lovin a finish zui a, Real Betis chakna goal a khung.
Juanmi-a goal khung hnu lawk hian Barcelona-in chance ta lutuk an nei a, Ousmane Dembele-a low cross chu Abde-a’n goal-ah a lo chan tir ngei a rinawm laiin, Abde hian goal a pet khum a, 1-0 hian inkhel a tawp ta a ni.
Barcelona 0-1 Real Betis
(Juanmi 79’)
Player Ratings