Serie A season kal meka pahnihna dinhmun hauh mektu Juventus chuan Sampdoria lakah point an hlawhchhuak zo lo va, 3-2 in an tlawm.

Juve hian Italy tana World Cup qualifying round khel zo hlim Gianluigi Buffon (goalkeeper) leh Andrea Barzagli (defender)-te bench-ah an dah a, bench-a an dah chhan hi World Cup qualifying round an paltlang zawhloh vanga an rilru hrehawm ala reh loh vang a ni.

Sampdoria 3-2 Juventus (FT)

(Zapata 52', Torreira 71', Ferrari 79') (Higuaín 90'+1 pen, Dybala 90'+4)

Sampdoria XI: Viviano (GK), Bereszynski, Silvestre, Ferrari, Strinic, Baretto, Torreira, Ramirez, Praet, Quagliarella, Zapata.

Subs: Puggioni, Sala, Caprari, Alvarez, Linetty, Regini, Vere, Capezzi, Murru, Tozzo, Kownacki.

Juventus XI: Szczesny (GK), Lichtsteiner, Rugani, Chiellini, Asamoah, Pjanic, Khedira, Cuadrado, Bernardeschi, Mandzukic, Higuain.

Subs: Buffon, De Sciglio, Benatia, Marchisio, Dybala, Douglas Costa, Alex Sandro, Matuidi, Barzagli, Pinsoglio, Sturaro, Howedes.

First half-ah Juventus-in inkhel an thunun zawk a ball an chang hnem zawk bawk.

Turin club tan hian Gonzalo Higuain, Mario Mandzukic leh Juan Cuadrado-te'n an hun țha neih an hmang țangkai zo lo va, Sampdoria lamain Juve goal zawnah an pet thei bik lo.

Mualneitu lam hian goal khung tum ve tho mahse Juve tlarhma hlauhawm zia an hria a, in veng ran chungin goal khung an tum a awlsam tak chuan an su tlang thei lo.

First half-ah goal a lut lo va Juve zawkin inkhel an thunun mah zawk.

Second half-ah Juve bawkin an nawr hmasa leh a goal hlawhchhuak lo mahse an hlauhawm hmasa leh zawk.

Sampdoria tan Fabio Quagliarella chuan a hun țha neih hlah mahse goal an nei hmasa ta thung a, minute 52-naah Duvan Zapata chuan an hmahruaina goal a tauh lut.

Inkhel thununtu zawk Juve-in an si phur sut tumin theihtawp chhuah mahse an tum ram an thleng thei mai lo va, Federico Bernardeschi lachhuakin Paulo Dybala an dahlut a an khel a ziaawm hret.

Mikhual team Juve hian goal mamawh mahse an chhuahbelh leh ta zawk a, minute 71-naah Gaston Ramirez ball pek hmangin Lucas Torreira chuan an goal hnihna a khung.

Sampdoria hian an si thumna pawh an khung leh thuai a, Gianmarco Ferrari chuan Quagliarella free-kick pet ațanga ball kal harsa lo takin a khung a khualmualah Juve-in si thum an phur.

Goal mamawh nasa zawk Juve-in a tawp lamah an nawr bet a goal khung lo mahse Sampdoria an chhaih buai hneh hle.

Hun pekbelh minute 91-naah Sampdoria defender Ivan Strinic chuan Douglas Costa ti tluin penalty a chawi a, penalty hi Higuain chuan petin goal-ah a chantir a 3-1 a ni.

Hun pekbelh tawp hmain Dybala chuan Douglas Costa ball pek hmang țangkaiin an goal hnihna khung veleh mahse hunin a daih tawh lo va khualmualah an tlawm.

Juventus hian point 31 neiin pahnihna dinhmun an hauh chhunzawm zel a, pakhatna Napoli nen point li (4)-in an inthlau mek a ni.