India football captain Sunil Chhetri chu Calcutta Sports Journalists’ Club chuan Best Sportsperson of the Year atan an thlang.

Kum 34-a upa Chhetri hi Spain lamah Bengaluru FC pre-season training neihnaah a awm mek a, a chawimawina dawn tur hi August 16 hian an hlan dawn a ni.

Chhetri chuan, “Sports journalist rual meuhin hetianga chawimawina min hlan tur hi a ropui ka ti tak zet a. Mi hriat hlawh pawh a ropuiin a lawmawm ka ti tawh ania, a tha bera han inthlan phei chu sawi ngaihna ka hre lo. Kolkata-ah hian club pathumah ka khelh tawh mai bakah he khawpui nen hian inzawmna nghet tak kan nei tawh bawk a, chu vang tak chuan he chawimawina hi ka tan a hlu lehzual a ni,” a ti.

August 16 ah Swami Vivekananda Auditorium-a hun an buatsaih turah hian Davis Cup coach hlui Akhtar Ali, India opener hlui Arun Lal leh Aroon Ghosh leh 1962 Asian Games gold medal dawngtu football team te chu Lifetime Achievement award an hlan dawn a ni.

Bengal pacer Ishan Porel (Junior Sportsperson of the Year), Mohun Bagan star Shilton Paul (Footballer of the Year), East Bengal star Mahmoud Al-Amna (Best Foreign Footballer) te chu chawimawina dawngtu tur dang an ni bawk.

Aroon Ghosh hian 1960 atanga 1971 chhung India tan a khel thin a, hemi chhung hian Rome Olympics leh Asian Games gold medal a lakpui a. All India Football Federation technical director a nih tawh bakah India coach pawh a lo ni tawh a, Tata Football Academy hotupa pawh a ni tawh bawk.

Akhtar Ali hian India aiawhin Davis Cup a khel tawh a, a hnuah India captain a ni zui a. Vijay Amritraj chuan travelling coach atan a hman bakah Belgium head coach te pawh a ni tawh a. A fapa Zeeshan Ali, Leander Paes leh Ramesh Krishnan te pawh a lo hrual tawh hlawm a ni.

Award dawngtute:

Best Sportsperson of the Country: Sunil Chhetri

Best Junior Sportsperson of the Country: Ishan Porel

Lifetime Achievement awards: Aroon Ghosh, Arun Lal, Akhtar Ali

State Awards: Best cricketer: Abhimanyu Easwaran

Best footballer (Indian): Shilton Paul

Best footballer (Foreign): Mahmoud Al-Amna

Best hockey player: Suprajit Rakshit

Best athlete (men): Safiqul Mondol

Best athlete (women): Bhairabi Roy

Best badminton player: Ankit Mondal

Best chess player: Koustav Chatterjee

Best swimmer: Sayani Ghosh

Best TT player: Ayhika Mukharjee

Best tennis player: Yubarani Banerjee

Best shooter: Mehuli Ghosh

Best basketball player: Madhu Kumari

Best volleyball player: Nayanika Biswas