Suaka Memorial Cricket Ground Mahuma Memorial Tournament Round 7 khelh mekah 1st Div. club hlun Chaltlang SC chu Kaithar Tlangnuamin wicket 3-in an hneh.

Toss-a vannei zawk Chaltlang SC ten Mahuma Memorial Tournament-ah vawikhat tal chak tumin vuak hmasak an thlang a, Captain Lalhruaimawia'n run 22 a siam bak double figure kai thei an awm lo.

Nidanga an mualphona thin Middle Order lamah bawk an chesual leh a, Club dang ang bawkin Tlangnuam Bowler vawm zawi tak tak te an ngamlo ve leh a, over 23.5 ah run 88 chauh siamin an out vek.Tlangnuam Bowler Lalmuanpuia an ngam lo hle a, ani hian over 4.5 a vawmah run 14 chauh pein wicket 4 a la a ni.

Chaltlang lamin an mualphona hliahkhuh tumin tan khawh viau mahse 1st Div.-a la inham tan tum Tlangnuamte rin aiin an fei. A tir lamah han che sual deuh rap rap mahse team game tha rawn lantirin chetha fal bik awm lovin an target hniam tak hi over 24.2 ah wicket 7 hloha um phain wicket 3 in an chak ta a ni.

Hnehna an chang hi an lawm em em a, hei aia an lawmna tur chu harsa takin 1st Division-ah an inham tang a, Chaltlang SC leh Luangmual CC ten 1st Division an mangtha a tul ta a ni.

15.12.2016 (9:15AM)

Chanmarians vs Chhinga Veng CC