Mario Balotelli chu an boss Sinisa Mihajlovic chuan a overweight a ti mauh mai. Mihajlovic chuan competitive match a khel ve dawn chuan a rihna a tihhniam phawt a ngaih tur thu a sawi a ni.
Italian striker Balotelli hian Liverpool atangin AC Milan hi loan-in a zawm a. Brendan Rodgers-a hnuaiah hma hma a sawn lo hle a, Liverpool tan Premier League goal khat chiah a khung !
Milan chuan loan-in Italy lamah an hawh leh a, Rossoneri tan friendly match-a fourth-tier Modena an hneh tumin a inlan, an inkhelh zawhah Mihaljlovic chuan Balotelli chu inkhel turin a taksa a rit lutuk a ti.
"A inkhel lo rei a, hmasawn a ngai nasa hle mai. A training ngawrh a, a taksa pawh a tha tawh hle, mahse kilogram thum velin a overweight-a, a in diet mek, a taksa a inpeih hunah a inkhel ve thei ang," tiin Sinisa Mihajlovic chuan La Gazzetta dello Sport a hrilh.
Hetih lai hian Milan CEO Adrian Galliani erawh chuan Balotelli rih leh rih loh lamah a lo buai ve lem lo, competitive match a khelh hun a lo nghakhlel ve em em ringawt a.
"A fitness pawh a tha chho zel, a taksa pawh a dik chho hle lbawk. Ball a ken chuan a duh chu a ti leh thei tawh ngei ang. Season tluana tha taka a khelh theih beisei ila, goal a khung hian ka hlim em em thin a ni," tiin Adrian Galliani chuan a sawi.
picture credit : Reuters