Ballon d'Or dawng thei tur mi 30 hming puan turah mi panga hming puan a ni ta a, Gareth Bale chu puan hmasak ber a ni. Bale hming puan hmasak ber a nih avang hian a dinhmun a tha ber tihna erawh a ni kher lo. Bale hian ropui takin Wales chu Euro 2016-ah a chetpui a, Champions League-ah Real Madrid a champion pui bawk. Bale mai bakah hian Real Madrid a a teammate Cristiano Ronaldo pawh a tel.

Kumin January a an sem takah khan Lionel Messi chuan a vawi ngana atang a dawng a, tun tumah erawh mi panga hming puan chhuah tawh zingah hian a la tello a, mi 30 zingah erawh a tel beisei a ni.

Cristiano Ronaldo dinhmun a tha hle a, Champions League-ah Real Madrid a champion pui mai bakah Euro 2016-ah khan an ram Portugal a champion pui bawk a. Kum tluana a elpui ber thin Lionel Messi erawh, Champions League-ah quarter final bak Barcelona a thlen pui zolo a, Copa America kumina khelh zawh takah pawh khan final-ah an ram Argentina a chak pui zolo bawk.

Mi 30 than chhuah tur zinga mi panga BBC Sports in a tarlan tawh zingah hian Bale leh Ronaldo mai bakah Sergio Aguero, Pierre-Emerick Aubameyang leh Gianluigi Buffon te pawh an tel bawk.

Nikuma mi 23 zingah khan Manuel Neuer tih loh chu goalkeeper lang phak an awm lova, kuminah erawh mi panga puan chhuah tawh zingah Juventus goalkeeper Buffon a lang thung.

Season hmasa Bundesliga a goal 25 khungtu Aubameyang pawh mi panga zingah hian a lang a. Ani hian Borussia Dortmund tan season hmasa khan inelna hrang hrangah goal 39 lai a khung bawk a. Tun season kal mekah goal 7 lai League-ah a khung leh tawh bawk.

English League atangin Aguero a tel bawk a. Ani hian season hmasa khan League-ah Manchester city tan goal 24 zet a khung a, Copa America-ah Argentina chu pahnihna a nih pui bawk a ni.

Ballon d'Or dawng thei tur mi 30 a hriat kim ta:

2016 Ballon d'Or short list 30-te chu

Sergio Aguero (Man City)

Pierre-Emerick Aubameyang (Borussia Dortmund)

Gareth Bale (Real Madrid)

Gianluigi Buffon (Juventus)

Cristiano Ronaldo (Real Madrid)

Kevin De Bruyne (Manchester City)

Paulo Dybala (Juventus)

Diego Godin (Atletico Madrid)

Antoine Griezmann (Atlético Madrid)

Gonzalo Higuain (Napoli / Juventus)

Zlatan Ibrahimovic (PSG / Manchester United)

Andres Iniesta (Barcelona)

Koke (Atletico Madrid)

Toni Kroos (Real Madrid)

Robert Lewandowski (Bayern Munich)

Hugo Lloris (Tottenham Hotspur)

Riyah Mahrez (Leicester City)

Lionel Messi (Barcelona)

Curves Modric (Real Madrid)

Thomas Muller (Bayern Munich)

Manuel Neuer (Bayern Munich)

Neymar (Barcelona)

Dimitri Payet (West Ham)

Pepe (Real Madrid)

Paul Pogba (Juventus/Manchester United)

Rui Patricio (Sporting Portugal)

Sergio Ramos (Real Madrid)

Luis Suarez (Barcelona)

Jamie Vardy (Leicester City)

Arturo Vidal (Bayern Munich)