Pathianni hian MotoGP Austrian Grand Prix intlansiak a awm dawn a, Inrinnia qualifying-ah Honda rider Marc Marquez chu a tlan chak ber a, intlansiak dawnah a hma berah a ding ang a, Ducati rider Andrea Dovizioso chu pahnihnaah a ding ang.

Marc Marquez hi Andrea Dovizioso aiin second 0.002 chauhin a thleng hma zawk a. Yamaha rider Valentino Rossi chu a tum angin a che fuh chiah lo a, Q1 a paltlang zo lo a, 14-na atangin bul a tan thei dawn a ni.

Dovizioso team-mate Jorge Lorenzo chu pathumnaah a awm ang a, Ducati rider Danilo Petrucci chu palinaah a ding ang a, a hnung chiahah hian LCR Honda rider Cal Crutchlow a ding dawn bawk a ni.

Paruknaah Tech3 Yamaha rider Johann Zarco a awm ang a, a hnung chiahah Ducati rider Tibo Rabat a awm dawn a. Pariatnaah Suzuki rider Andrea Iannone awmin Honda rider Dani Pedrosa chu pakuana a ni ang a, Suzuki rider pakhat Alex Rins chu 10-naah a awm ang.

Qualifying result:

1 Marc Marquez Honda
2 Andrea Dovizioso Ducati
3 Jorge Lorenzo Ducati
4 Danilo Petrucci Ducati
5 Cal Crutchlow Honda
6 Johann Zarco Yamaha
7 Tito Rabat Ducati
8 Andrea Iannone Suzuki
9 Dani Pedrosa Honda
10 Alex Rins Suzuki
11 Maverick Vinales Yamaha
12 Alvaro Bautista Ducati
13 Bradley Smith KTM
14 Valentino Rossi Yamaha
15 Aleix Espargaro Aprilia
16 Jack Miller Ducati
17 Hafizh Syahrin Yamaha
18 Xavier Simeon Ducati
19 Franco Morbidelli Honda
20 Scott Redding Aprilia
21 Takaaki Nakagami Honda
22 Thomas Luthi Honda
23 Karel Abraham Ducati