Australian Open khelh mekah World number one Simona Halep chuan fourth round a lut a, inkhel hmuhnawm takah Lauren Davis a hneh.

Kum 26 mi Halep hian 4-6, 6-4, 15-13 in Davis hi a hneh a, darkar thum leh minute 45 zet an inkhel a set thumna ringawt pawh minute 142 chhung an khel.

A chak hnuin Romanian star Halep chuan, "Third set hi rei tak ka la khel ngai lo va ka thi lo chauh. Ka chakna a zo vek tawh a, ka ke rek dinhmun pawh ka hre lo va a chhan chu engmah a hre lo."

"Ka theihna zawng zawng nen ka khel a, hnehna ka chang thei leh ka dingchang thei hi ka lawm khawp mai. Davis kha player țha tak a ni." tiin a sawi.

Halep hian Naomi Osaka a hmachhawn leh dawn a, Japanese star Osaka hian Last 16 lut turin Ashleigh Barty chu 6-4, 6-2 in a hneh.

World number one a chak lai hian Karolina Pliskova, Caroline Garcia leh Madison Keys-te pawhin an tumpui țheuhte hnehin round sang zawk an lut ve bawk a ni.