World number one Simona Halep chuan inkhel hmuhnawm takah Angelique Kerber hnehin final a lut ve ta a, final-ah hian Caroline Wozniacki a hmachhawn ang.

Halep hian 6-3 4-6 9-7 in Kerber hi a hneh a set tawp berah match point vawihnih vawthlain hnehna a chang.

Romanian zinga Australian Open final lut thei hmasa ber Halep hian an inkhelh chhung zawngin a beidawn loh thu leh buai a tum loh thu a sawi a, a khelhdanah a lawm hle tih a sawi bawk.

Final-a a hmachhawn tur Wozniack hian semi-final inkhel hmasa zawkah set hloh lovin Elise Mertens a hneh a, final-ah hi World Number One nih inchuhna a ni tel dawn a Wozniacki hian hnehna a chan chuan halep nihna hi a chhuhsak thei dawn a ni.