Ange Postecoglou chuan World Cup khel turin Australia tlinpui mahse a hna a kalsan.

Kum 52 mi Postecoglou hian play-off-a Honduras an hneh hnuin Australia hi a zawna vawi li nan World Cup khel turin a tlinpui a, a tlinpui atanga ni ruk chauh a liam hnuah a hna hi a bansan.

World Cup khel tura a tlinpui hnu hian contract thar ziahpui an tum a kalsan a thlang ta zawk.

Postecoglou chuan, "thutlukna siam harsa tak a ni. Australian football tan hun pawimawh a ni tih hriain engkim ka hlan a, ka hun a tawp ta mai hi pawi ka ti hle."

"Mahni ram ngei enkawl hi a ropui laiin hna hautak a ni ve bawk. He hn ahi tha taka enkawl thei tura kuta hlan a hun tawhin ka hria. Australia football association, fans leh player-te laka bat ka nei hnem." tiin a sawi.

Postecoglou hian kum 2013 khan Holger Osieck hmunruak hnawhkhatin Australia hi a enkawl tan a, game 49 khelhpui hmanin game 22-ah hnehna an chang a kum 2015 khan AFC Asian Cup-ah a champion pui bawk a ni.