Roger Federer chuan Swiss Indoors final-ah Martin del Potro hnehin a vawiriat nan he intihsiaknaah hian a champion.
Federer hian 6-7, 6-4, 6-3 hnehna a chang a, world number one Rafael Nadal a hnaih zel.
Kum 36 mi Federer hian kuminah title pasarih a la tawh a, karleh hian Paris Masters khelh tur la awm mahse Federer hian tel a tum lo tih a sawi.
Final-a chak zo ta lo Del Potro hian kar liamta mai khan Stockholm-ah title a la a, tun țumah hian chak se chuan ATP finals khel turin a tling thei ang.
Kum 29 mi hian Pablo Carreno Busta tluk lovin ATP finals khel tur hian Paris Masters-ah semi-final tal a thlen a ngai.
Basel lama Federer a champion lai hian Lucas Pouille chuan Vienna Open final-ah Jo Wilfried-Tsonga hnehin title a la ve bawk a, Pouille hian 6-1, 6-4 in Tsonga hi a hneh a ni.