Inrinni khan Doncaster-ah Boxing event neih a ni a, British boxer Scott Westgarth chu light-heavyweight fight-ah hnehna a chan hnuin a boral.

Kum 31 mi Scott Westgarth hian eliminator bout-ah Dec Spelman a hneh a, fight a neih zawha interview a neih laiin a damlo tih hriat a ni. Backstage lamah a buai chhunzawm a, Damdawi in panpui a nih hnuin a boral ta a ni.

Scott a boral hnu hian event chu chhunzawm lovin cancelled a ni a, Commonwealth light-welterweight title eliminator-ah Curtis Woodhouse inlan tur ni mahse ani pawh hian fight a nei hman ta lo.

Dec Spelman nen an inhnek tum hian Westgarth hi chaklo zawk tura ngaih ni mahse point in a chak hlauh a, English title fight turin a bei mek. Westgarth hian a fight hnuhnung 9-ah hnehna vawi 6 changin vawi hnih a tlawm a, vawi khat a khingpui a inhnehtawkpui. A boral thu hi Westgarth-a promoter Stefy Bull chuan a rawn puang a ni.