Amir Khan leh Manny Pacquiao-te hi April ni 23-a inhnek tura sawi ni mahse boxing promoter Bob Arum chuan an in hnek dawnloh thu a sawi.

Khan leh Pacquiao-te hi United Arab Emirates-a inhnek tura beisei an ni a, he thu hi February thla tawp lam khan puan a ni. Sum chungchanga inremna a kaltluan theihloh avangin khawvel hmuhchak inhnek kan hmu thei dawn ta lo.

Arum chuan ESPN hrilhin, "UAE nen inremna kan ziak fel thei lova, awihawm loh khawpin 'DEAL' siampui min tum a ni.

"Hetiang a nih takah chuan Pacquiao hian Khan a hmachhawn dawn lova, midang kan melh ang. Khan hi chu kan hmachhawn dawn talo a ni, "tiin a sawi.

He event hi thulh a nihna chhan chu sum fai £31.1m chiah offer a awm vang a ni ber a, Kumin kum chanve hma chu he thil hi ngaihtuah that a ni dawnlo bawk.

Boxing ngainatu ten kan nghahhlelh em em pakhat chu kan chan dawn tihna a ni a, nimahsela Pacquiao hian midang a inhnek pui leh vat dawn niin a team thupuangtu chuan a sawi a ni.

WBO world welterweight champion nilai Manny Pacquiao hian nikum November thla khan American boxer Jessie Vargas chu unanimous decision-in a hneh a ni.