Serie A inkhelah Juventus chu an mualah Napoli-in nimin khan an hneh a, khelh 4 la awmah point khat chiahin pahnihna Napoli-in pakhatna Juventus an thlau tawh. Heti chung hian coach Allegri chuan Juve tan chance a la that thu a sawi a, han chiai na tur engmah a awm loh thu a sawi.

(adsbygoogle = window.adsbygoogle || []).push({});

Nizan inkhelah Italian team te hi an in-draw dawn nia a lan hnuah minute 90-naah Napoli player Kalidou Koulibaly chuan a head goal a, point 3 hlu tak a team a hlawhchhuah pui.

Inkhelh bana an kawmnaah Allegri chuan,"Game tha tak a ni lem lo. Team pahnih kan khel chhe ve ve a, a tawpah an vannei ta zawk a ni.

"Goal shot hmuh tur a awm meuh lo a, game a nung thlawt lo a ni. Kan khel tha tawk lo a, hun tawp dawnah set play atangin goal kan chhuah leh ta bawk nen. Kan vanneihni a inherchhuak lo a ni.

"Tunah chuan chawlh hahdam kan ngai a ni. Inter kan hmachhawn leh dawn a, hnehna chan ngei kan tum dawn a ni.

"Table-ah a chungberah kan la awm a, kan dinhmun a la tha zawk a ni. Game 4 khelh tur a la awm a, home-ah vawihnih away-ah vawihnih. Enge thleng dawn kan en ang.

"Napoli khan fak an phu a, amaherawhchu chance an nei tlem ve tho. Chak an mamawh a, keini chuan chak emaw draw. A thil tum a tihlawhtling bik a ni.

"Goal difference kan nei tha zawk a; tin, head to head-ah kan intluk bawk. Kan dinhmun a la tha zawk a, hlauhthawnna tur a la awm lo. He match hi kan theihngilh a tul a, match leh atan kan inbuatsaih vat ang," tiin a sawi.