November ni 15, Thawhlehni MC Dowell's No 1 Soda Mizoram Premier League Season 5 Round 12 chawhnu dar 3:00 khan Aizawl FC leh Dinthar FC te inkhelah 2-2 in an inhneh tawk a, he inkhelah hian Dinthar FC winger Lalruatpuia chu Man of the match-ah thlan a ni.
Phase 1-ah team pahnih te hi goal awmlo in an inhneh tawk tawh a, an intawn vawiimhnih naah chungnung zawk awmlo in an inhneh tawk leh bawk.
Aizawl FC hian point 20 neiin table-ah pathumna an hauh mek a, Dinthar FC hian point 13 neiin table-ah pangana an hauh ve mek bawk. match hnih khelh hmabak an la nei a, semifinal khelh an la thlir pha ve ve a ni.
Aizawl FC 2-2 Dinthar FC
(Lalthakima 18', Lalramchullova 35') (Michael Lalremruata 42 sec', Cho Tshering Lepcha 87')
MoM: Lalruatpuia (DFC)
Aizawl FC XI:- T Mawia, Riky, Rinzuala, Thakima, Chullova, Bta, Brandon, Rohminga, Chhara, Remsanga, William.
Dinthar FC XI:- Joseph, Steve, Titima, Zuala, B Hammed, C Carter, Biaknia, Samuela, Michael, Ruatpuia, cho.
Aizawl FC tan Lalthakima leh Lalramchullova ten goal khat ve ve khungin, Dinthar FC tan Michael Lalremruata leh Cho Tshering Lepcha chuan goal khat ve ve an khung bawk.
Inkhelh tan atanga 42 sec lekah Dinthar FC tan forward Michael-a chuan an hmahruaina goal akhung nghal a, he goal hi tun season chhunga goal lut rangber a ni. Aizawl FC insiam tha nghal vatin an nawr let nghal; minute 18-ah defender Thakima chuan an si phurh sutna goal akhung ve leh a, Dinthar FC tan state pawn player an lak Carter leh Hammed te duh angin an che thei bik lo, Aizawl FC chuan midfield-ah Rohminga hmangin inkhel thunun zawk mahse, goal an thun belh mai thei bik lo. 1-1 a inhneh tawkin chawlhlawk an hmang dawn emaw tih hnu minute 35-ah Aizawl FC tan defender Chullova chuan an goal hnihna khungin; Aizawl FC chuan 2-1a hmahruaiin chawlhlawk an hmang ta a ni.
Second half-ah Dinthar FC in siam tha in, inkhel an thunnun zawk mahse, Hammed leh michael-a ten an si phurh sutna hun tha neih an hloh. Aizawl FC defender Thakima chu inhliam avangin thlak a ni. Dinthar FC chuan counter attack-a nawr chhunzawmin minute 87-ah Saitea leh Michael-a thawh rah sengin midfielder Cho Tshering Lepcha chuan an si phurh sutna goal akhung ve leh a, goal dang luh belh tawh lo in 2-2 in an inhneh tawk ta a ni.
Match hnih inkhelh hmabak la awmin Aizawl FC hian Nobember ni 18, Zirtawp zanah Bethlehem Vengthlang FC an hmachhawn ang a, Dinthar FC hian chawhnu dar 3:00-ah Chhinga Veng FC an hmachhawn thung ang.