Khawvela Sports magazine ngaihhlut ber te zinga mi Sports Illustrated Magazine chuan June ni 20, 2018 (Nilaini) khan Aerocity New Delhi The Ballroom, Roseate House-ah India rama infiamna lama hlawhtling te leh chawimawi phu te Award hlanna hun an hmang a, he hunah hian Aizawl Football Club chuan Special Award an tih Editor's Award for Excellence a dawng
Aizawl FC aiawh hian Club neitu leh President nibawk Pu Robert R Royte leh a nupui, Aizawl FC Co- Owner Pi Lalrampari Royte ten award hi an dawng.
(adsbygoogle = window.adsbygoogle || []).push({}); Sports Illustrated magazine hian India rama infiamna lama hlawhtling mi engemaw zat hnenah chawimawina hi an hlan a, heng zingah hian India Hockey Player ropui Balbir Singh te,Srikanth Kidambi(Indian badminton player),Leander Paes (Indian tennis player),Jitu Rai Indian Shooter - (Olympian), Sushil Kumar Indian Wrestler - (Olympic Silver Medalist) te leh midang engemaw zat an tel mai bakah India rama infiammi chhuanvawr leh lar thahnem tak he hunah hian an fuankhawm bawk
He huna Khuallian Union Sports Minister Pu Rathore-a chuan Infiam mite leh Infiamna atana mi inhmang kalkhawmte chungah ram chawimawitu annih avanga lawmthu hrilhin nasa lehzuala tan la turin a fuih a ni.
Aizawl FC Neitu Pu Robert Romawia Royte pawhin thusawiin Award hlu tak an dawn avangin AFC leh AFC fans zawng zawngte aiawhin lawmthu a sawi a.”Football hi India Mainland leh Mizoram,NE India zawmkhawmtu pawimawh a ni a,India inpumkhatnan a thawhhlawk takzet a ni” a ti a.
Aizawl FC in Asia League kan Mizoram khawpui ngeia thlen leh khelh hi Mizo mipuiten tlumtea thlirin kan thlira,mahse Mizoram state-ah Asia League khelhna tlak Football Ground tha kan neihloh avangin kan Home Match tepawh State dangah kan khelh a ngai a,a vanduai thlak tak zet...hei hi thuneitute leh a titheituten hriain hma la se kan ti takzet a ni....Football hmasawnnan erawh kan thawk zel ang” a ti.
Aizawl FC hian ' Editor's Award for Excellence' hi I-league 2016-2017 a an Champion avang leh India Football chawisan nana a thawhhlawk em avangin a dawng a,I-League a Aizawl FC an champion thei kha mi mak tih leh sawi hlawh tak a tling a, tun thleng hian miten thawnthu ngaihnawm tak - 'Fairy Tale’ ang hialin an la sawi reng a ni.
Aizawl FC Champion dan chanchin ziahna hi lekhabu ngaihnawm tak tak pahnih a awm tawh a, India ram leh khawvela film industry lian ' BOLLYWOOD' chuan Aizawl FC Champion dan chanchin hi a film in an siam dawn a, hmalakna kalpui mek a ni nghe nghe a ni.
(adsbygoogle = window.adsbygoogle || []).push({});