MSSC Ruby Jubille Commemorative: Mizoram Football Association Inter District Women Football Championship 2016 chu November 9, Nilaini khan khelh chhunzawm leh a ni a, inkhel vawihnih awmin Aizawl DFA chuan Siaha DFA an hneh a, Serchhip DFA leh Champhai DFA te goal awmlo in an inhneh tawk thung.

11:30 AM - Aizawl 3-0 Siaha

(Lalrinmuani 20', Ngiali OG 33', Jenny VL Hmangaihsangi 47')

Aizawl DFA hian an match hmasa berah Serchhip hneh lo mahse, vawiin an match-ah 3-0 in Siaha DFA an hneh. Siaha DFA hian hneh an la nei lo thung a ni.

Aizawl tan first half tan atang a minute 20-ah Lalrinmuani chuan goal hmahruai akhung a, huntawp dawn minute 2 ala awmin Siaha defender Ngiali chuan an lamah a pet goal hluah. 2-0 a Aizawl hian hmahruaiin chawlhlawk an hmang ta a ni. Second half-ah Hmangaihsangi chuan Aizawl tan an goal 3-na thun leh in, Aizawl chuan 3-0 a hnehna changin point 3 an hlawhchhuak ta ni.

October ni 10, Ningani chawhnu dar 1:00-ah Aizawl DFA hian Champhai DFA an hmachhawn ang a, a chak zawk zawk hian final an khel ang. 

1:00 PM - Champhai 0-0 Serchhip

Inkhel hnuhnung zawk Champhai DFA leh Serchhip DFA te goal awmlo in an inhneh tawk. Champhai DFA hian an match hmasa berah Siaha DFA 4-0 in anhneh a, Serchhip DFA hian an match hmasa berah 4-1 in Aizawl DFA an hneh ve bawk. Vawiin inkhelahah Serchhip DFA nen goal awmlo an inhneh tawk a, point 4 an nei ve ve ta a ni.

November ni 10, Ningani chawhma dar 11:30-ah Serchhip DFA hian hneh la nei lo, Siaha DFA an hmachhawn dawn a, Serchhip DFA hian hnehna an chan chuan final an lut  ang a, November ni 11, Zirtawp-ah Aizawl DFA leh Champhai chakzawk zawk nen final an khel ang.

November 10, Ningani Fixtures:-

11:30 AM - Serchhip vs Siaha

1:00 PM - Aizawl vs Champhai