All India Football Federation (AIFF) buatsaih Youth League Under 13 chu February ni 14, Nilaini khan AR Lammualah league round tawp ber khelh a ni a, Aizawl FC chuan 3-1 a NRL Football Academy hnehin Rest of india zone final round an khel dawn ta a ni.

(adsbygoogle = window.adsbygoogle || []).push({}); 

Aizawl FC hian league round an match hmasa berah 2-1 a Neroca an hneh hnuah Imphal City 2-0 in an hneh leh a, NRL Football Academy 3-1 a hneh leh in pool leader an ni a, final round an inpet tling ta a ni.

09:30-ah Aizawl FC 3-1 NRL Football Academy

(Isak Zomuanpuia 34', James Lalruatfela 12', 70') (Tonmay Gogoi 55')

Aizawl FC tan James Lalruatfela chuan goal hnih a khung a, Isak Zomuanpuia chuan goal khat a khung ve bawk. NRL Football Academy tan Tonmay Gogoi chuan goal khat a khung ve bawk.

Goal lut hmasa ber hi minute 12-a lut a ni a, Aizawl FC tan James-a chuan an hmahruaina goal a khung a, hun tawp dawn minute 6 ala awmin Isak-a chuan an goal hnihna khung zui leh bawk. Second half-ah NRL Football Academy tan minute 55-ah Tonmay Gogoi chuan an goal khatna khung ve bawk mahse, Aizawl FC tan James-a bawk chuan minute 70-ah an chak nem nghehna ni bawkin an goal thumna a khung zui leh a, Aizawl FC chuan 3-1 in hnehna an chang ta a ni. 

(adsbygoogle = window.adsbygoogle || []).push({});