All India Football Federation (AIFF) buatsaih Youth League Under 13 chu February ni 10, Inrinni kha ARLammualah khelh tan a ni a, inkhel vawi hnih awmin inkhel hmasa zawk Aizawl FC chuan 2-1 in Neroca an hneh. Inkhel hnuhnungah Imphal City chuan 6-0 in NRL Football Academy an sawp thung.

Aizawl FC tan Amosa Lalnundanga leh Isac Zomuanpuia ten goal khat ve ve an thun a, Neroca tan Hanjabam Naoba Sharma chuan goal khat an thun ve bawk.

Goal lut hmasa ber hi minute 6-ah Aizawl FC tan Amos-a chuan a thun a, second half tan a tang a minute 1 aral hmain Aizawl FC tan bawk Isac-a chuan an goal hnihna a khung leh bawk. Neroca chuan minute 53-ah an huntha neih hmang tangkaiin Hanjabam Naoba Sharma chuan goal khung ve bawk mahse, huntawp thlengin goal dang a luh belh tawh lo a, Aizawl FC chuan 2-1in hnehna an chang ta a ni.

Aizawl FC hian February ni 12, Thawhtanni chawhnu dar 1:30-ah FC Imphal City an hmachhawn leh ang.

February ni 10, Inrinni Results:

09:30 AM Aizawl FC 2-1 Neroca

(Amosa Lalnundanga 6' , Isac Zomuanpuia 46') (Hanjabam Naoba Sharma 53')

01:30 PM NRL Football Academy 0-6 FC Imphal City

(Thoudam NetRajit Singh 3', 33', 51', Laimujam Ithoi Singh 20', Ningthoujam Abungton Singh 44', Aheibam Pariton Meitei 58')