Etihad Stadium-ah mikhual Newcastle United chuan goal khung hmasa mahse Manchester City chuan 6-1 laiin an chhu let a, City tan hian Argentine striker Sergio Aguero chuan goal 5 a khung bakah Kevin de Bruyne chuan goal khat a khung bawk a ni.
Man City 6-1 Newcastle
(Agüero 42′, 49′, 50′, 60′, 62′ De Bruyne 53′) (Mitrovic 18′)
PLAYER RATINGS (data source : eurosports)
Manchester City: Hart 7, Zabaleta 7, Otamendi 6, Mangala 6, Kolarov 7, Fernando 7, Fernandinho 7, Silva 8, Sterling 5, De Bruyne 8, Aguero 9
subs: Navas 7, Bony 7, Iheanacho 7
Newcastle United: Krul 5; Janmaat 5, Mbemba 5, Coloccini 5, Mbabu 5; Sissoko 5, Anita 4 Gouffran 4, Wijnaldum 4; Perez 4, Mitrović 4
subs: Lascelles, 5, Tiote 4, Thauvin 4
First half-ah mikhual an khel tha zawk a, chance pawh an nei nual, goal hnih khung thei an nih laiin goal khat erawh offside an phar sak. Goal hmasa ber hi 18th mins-a lut a ni a, Mitrovic chuan veilama awm Georginio Wijnaldum tan ball a pe thla a, a ni hian a cross nghal, box chhunga lo awm Aleksandar Mitrovic chuan Hart veilamah a tauh a, a goal chiang hle.
First half tawp dawnah Newcastle defender ten offside thang an kam dik tawh lo, Fernandinho chu a offside lo chiah chiah a, ball vawrh luh chu Aguero tan a tauh, Aguero chuan hnai set sawt atangin a tauh lut chhunzawm a, half time a nih chuan 1-1 in an inhnehtawk a.
Second half tan a ni a, 49th mins-ah Silva siam tha zet chu Aguero chuan a chhuih lut leh ta, hemi hnu lawk 50th mins-ah De Bruyne siam chu box pawn atangin kawh zetin Aguero chuan a khung chhunzawm lehnghal a, hattrick a siam ta der mai le. Man City chuan Newcastle defence pawp lai an hmu fuh ta a, 53rd mins-ah Navas siam tha zet chu De Brune chuan mawi takin top corner-ah a pet goal chhunzawm bawk a. 4-1 laiin Manchester City chuan hma an hruai.
An la duhtawk mai lo, 60th mins leh 51st mins-ah Aguero hian goal hnih a khung leh ta mai a. Minute 20 lek chhungin goal 5 a khung tling ta der mai. 6-1 laiin Manchester City chuan an mikhual Newcastle an hneh ta a ni.
Newcastle hian khelh 8 atangin point 3 chiah an la hlawh chhuak a, tun season-ah chak an la nei ve lo a ni, table mawng phahah an awm mek. Manchester City erawh table hmahruaitu an ni leh ta a, hetih lai hian Manchester United chuan Emirates Stadium-ah Arsenal an tlawh dawn a, an results a zirin hmahruaitu a la danglam thei dawn a ni.
Goal a khung lo vang vang a, mahse Aguero chuan goal a khung chho leh tan ta a, tun season Premier League-ah goal 6 a khung tling ta der mai. Jamie Vardy chu Premier League top scorer a ni a, goal 7 a khung a, Aguero hian a dawt a ni. Newcastle lamah Aguero hian shot vawi 5 a neih atangin vawi 5 a chhuih lut a, Premier League-ah hian match khata goal 5 khung thei mi 5 an awm a, Alan Shearer, Dimitar Berbatov, Andy Cole leh Jermain Defoe -te an ni.
Results dangte :
Crystal Palace 2 - 0 West Bromwich Albion
AFC Bournemouth 1 - 1 Watford
Aston Villa 0 - 1 Stoke City
Manchester City 6 - 1 Newcastle United
Norwich City 1 - 2 Leicester City
Sunderland 2 - 2 West Ham United
picture credit : Reuters