Aizawl District Football Association 1st Division League Season 2 League Round match hnuhnungber chu December ni 2, Zirtawpni khan khelh zawh a ni a, inkhel vawihnih awmin Chaltlang FC leh Aizawl FC Academy chuan an khingpui ve ve an hneh a, Aizawl FC Academy chuan final an khel dawn ta a ni.

Mizoram Police FC hian point 34 neiin hmahruaitu an nih bakah final an lut tawh a, pahnihna Aizawl FC Academy hian point 26 neiin final anlut ve ta a ni. Final hi December ni 6, Thawhleh zanah AR Lammualah khelh a ni ang.

Inkhel hmasa zawkah final lut thei tawh lo ve ve Chaltlang FC chuan 3-1 in Chawnpui FC an hneh a, Chaltlang FC tan Lalsawmzela chuan goal hnih khungin, Vanlalhmangaiha chuan goal khat a khung; Chawnpui FC tan Zodinpuia chuan goal khat akhung ve bawk.

Inkhel hnuhnungah Aizawl FC Academy chuan 6-1 in 1st Bn Academy an sawp a, final an lut ta a ni. Final luh inbeisei Venghlui FC nen point 26 ve ve neiin head to head-ah an in tluk a, goal deference-ah Aizawl FC Academy an san zawk avangin final anlut ta zawk a, Venghlui FC hian MPL 6 Playoff an khel thung dawn a ni.

December ni 2, Zirtawpni Results:-

11:30 AM Chawnpui FC 1-3 Chaltlang FC

(Zodinpuia 19') (Lalsawmzela 29', 88', C Vanlalhmangaiha 84')

01:30 PM Aizawl FC Academy 6-1 1st Bn MAP Academy

(Hmangaihkima 14', 70', H Lalnunzira 27', VL Nghaka 42', 74' 81') (Lalrinzuala 55')

(adsbygoogle = window.adsbygoogle || []).push({});