Aizawl District Volleyball Association (ADVA) buatsaih season ending tournament chu March 9, Nilaini khan RSC Field Ramhlun North-ah chhunzawm a ni a, Mipa inkhelah Anastasia VC, Electric Veng, Muanna Veng VC, Mami Luff VC, Chungtlang leh Chanmari West SC te chuan an khingpui theuh hnehin semi final an lut ta a ni.
Vawiinah match ruk awmin, Inkhel hmasa berah hmeichhia team Muanna Veng VC chuan 3-1 in an khingpui Durtlang VC an hneh a, March 10, Ninganiah Mahruaitea VC Ropuichhip nen final luh in chunin, an in hmachhawn leh ang.
Inkhel vawihnih naah pool A atangin, Chanmari West SC chuan 3-0 in Hlimen VC an hneh. Chanmari West SC hian an match hmasa berah Hlimen VC hnehin, vawiin an match-ah Deborah VC Chanmari West hneh lehin, semi final an lut ta a ni.
Match thumnaah Anastasia VC, Electric Veng chuan Alex VC, Rangvamual an hneh. An pahnih hian pool A-ah awm hoin, Anastasia VC Electric Veng hi an bye a, an match hmasa berah Alex VC Rangvamual hnehin, semi final an lut ta a ni. Alex VC Rangvamual hian an match hmasa berah Sports & Youth Services (SYS) hneh mahse, Anastasia VC Electric Veng an hneh tak loh a vangin semi final an lut zo lo.
Inkhel vawi linaah Muanna Veng VC chuan Tachhip GSA an hneh. Muanna Veng VC hi an bye a vangin, an match hmasa berah 3-1 inTachhip GSA hnehin, semi final an lut nghal bawk. Tachhip GSA hian an match hmasa berah Hunthar VC hneh mahse, Muanna Veng VC an hneh loh avangin an tan beisei a awm tawh lo.
Inkhel vawi nga naah Mami Luff VC Chungtlang chuan 3-1 in Maubawk SC an hneh ve bawk. Maubawk VC hian an match hmasaah Durtlang VC hneh mahse, Mami Luff VC Chungtlang an hneh loh a vangin, semi final an thleng zo lo. Mami Luff VC Chungtlang hian an match hmasa berah Dinthar VC hnehin, vawiin an match-ah Maubawk SC, hneh leh in, semi final an lut ta a ni.
Inkhel hnuhnung berah Chanmari West SC chuan 3-1 in Deborah VC Chanmari West SC an hneh. Deborah VC, Chanmari West hian an match hmasa berah Sihphir VC hneh mahse, vawiin an match-ah Chanmari West SC an hneh loh a vangin, semi final an thleng zo lo. Chanmari West SC hian an match hmasa berah Hlimen VC an hneh a, vawiin an match-ah Deborah VC Chanmari West hneh leh in semi final an lut ta a ni.
March 9, Nilaini Results:-
1.Muanna Veng VC 3-1 Durtlang VC (women)
2. Chanmari West SC 3-0 Hlimen VC
3. Anastasia VC Electrict 3-0 Alex VC Rangvamual
4. Muanna Veng VC 3-1 Tachhip GSA
5. Mami Luff VC Chungtlang 3-1 Maubawk VC
6. Chanmari West SC 3-1 Deborah VC chanmari west SC
March 10, Ningani Fixtures:-
1. Dinthar vs Vaivakawn (women)
2. Mahruaitea VC Rawpuichhip vs Muanna veng VC ( women)
3. Anastasia VC Electric veng vs Mami Luff VC Chungtlang
4. Muanna veng VC vs Chanmari West SC