WBO junior lightweight-a champion lai Vasyl Lomachenko chuan harsa lo takin Guillermo Rigondeaux laka a kawnghren kawllai a humhim.
Lomachenko leh Rigondeaux hi Madison Square Garden-ah inhnekin Rigondeaux hian a khel tluan thei lo va, round ruk (6)-na an khel zo chiah tihah hliam a neih vangin a khel chhunzawm thei lo tih a sawi.
First round ațangin Lomachenko ian a thiamna neih a lantir char char a, a ran bakah a chevel a hmuhnawm a Rigondeaux a che thei meuh lo.
Rigondeaux chhuanlam hi mipui lamin an pawmpui thei lo va, ring chhunga an kawmlai pawhin 'boo' thawm a ring hle.
Kum 37 mi Rigondeaux hian inhnek vawi 18 a hmachhawn tawh a tlawm vawikhat a nei ve ta a, Olympic-a gold medal vawihnih la ve ve tawh inhnek vawikhatna hian beisei a pha lo.
Hnehna chang zawk Ukrainian boxer Lomachenko hian professional a luhchilh hnuin match 11 a khel ta a, vawiriat a tumpuite knockout tawhin vawikhat a tlawm tawh bawk.
A chak hnuin Lomachenko hian a hming chu ‘NoMaschenko’ ti a thlak mai a duh thu a sawi a ni.