Dirk Nowitzki chuan NBA khawvela la tel zel a tum thu a sawi a, 2018-2019 season chhungin a hmel an hmuh leh tur thu sawiin, a tel leh a nih chuan NBA season 21-na a hmang tling chiah ang.

Nowitzki hian NBA a luhchilh zel a nih chuan 2018-2019 season ah kum 40 a tling chiah dawn a. A kum chu tam chho tawh mahse kum khat dang han inkhelh leh chu a huphurh loh thu a sawi.

“Tun dinhmunah chuan rawn kir leh hi ka rilruah a lian ber a. Ka dam tha a, engmah harsatna keima lamah chuan a awm lo a. Season tluanin game khat chiah ka khel lo a, kum hnih chhung khelh ka la duh vangin contract pawh kum hnih atan ka ziak a ni,” a ti.

Dirk hian Dallas Mavericks-ah season hnih atan contract a ziak a, a contract ziah hi $10 million hu zet a ni a. Tun season chhungin a average chu point 12.2 leh rebound 5.6 a ni a. Tunhma ngaihtuah chuan a average hi a hniam angreng hle a, mahse game 72 a khel thei a, 3-point pawh 41.9% a shoot a, league-ah chuan hei hi top 20 zingah a lang pha a ni.

Vawi 12 ngawt All-Star a tel tawh hian 2018-2019 a hman dan tura thutlukna chu season tawp hunah a nupui nen ngun taka an sawi dun hnuah a puan tur thu a sawi a ni.